چوّني بنارهم بس گلت معذورين
ما عدهم درايه بخرزة الكهرب
لدغوني وگمت دورت بس ادواي
وانه اعرف دواها بيا لغه العگرب
ما اگلك نبي متمم اخلاق الناس
ابنادم هم يدخن خاطري واغضب
ودنگ للحشاك وگلت گصتي اطيح
ورفع گامتي و لن الگمر يثغب
نهجم بيتك يگلي امنيلك هل طول
واگله بطول ربعي من الطفوله اشرب


#عدنان_البركي
.

انچـفي بصدرک دفو من روحي الاحنينه
ولاتستحـي امن الخلگ السالفه امبينه

حبني اعله عين الشمس بعناد خلگ الله
ومن اعثر بشفتك لتصيـحلي اسم الله

راودني يلله عشگ اترس شليلي رطب
واترس خدودك جمر وانه اشتعلك حطب

حـبني اعـله درب الحـچي
حـبني اعـله شـوف العـين

الخـتيله کسرة عشگ للعابدينه اسنين

بس بحـرم خزرتـک وحي الشعر صله

حـبني بوساعة خـلگ منــا البـاب اللـه

#عدنان_البركي