.
.
سولفني الحجي الينباع يرخص لو جزه ويه الريح....
واشبگني (رمش )يستحي دموعه اتطيح .....
لاتهمس بروحك خاف روحي اتصيح.....
مدري بحزن وجهك ياوطن ماخوذ...
ملاذك عطر ترجيتي
واريدك حدر زلفي اتلوذ ....
يسطوة شيب دلتني بشبابي الفات ....
اخاف تبوكك من عيوني الحديثات ....
مستاحش.. واعرفك تختل بروحي
امنجيس بخاطرك ظلمه ......
وتكابر..واليباريك باجر يلتهي بحلمه...
العشك ديرة جرح بس تعثر اتلجمه ....
اشيسمونك وياي الناس؟؟..
عاشگ لو مسافر مادري لياطيف
لو عنگود ماينجاس...
اشيسمونك وانه من المستحى البيه
اشم بإسمك واشم ثوبك........
هنيالي امنطب للنار بذنوبك .......
ويخيعوني امنضيع بعين اليدلون
واعگد نيتي وترشدني لدروبك !.....
.
.
#صابرين_الكعبي
.
.

جم ديره خذت وجهك يالمكحل بمرود شوگ
(يبن ولايتي) البيبان بس جفك عليها يلوگ
تدگ الباب !
افك حزني !
تدنالي بمحنة عاشك ومعشوگ..
محترگه وبعيد انته
اعله نگاط المطر مايشبح المحروگ!!
.
.
#صابرين_الكعبي