ليله اذا عَني غبت ؟
احسبها ليلة وحشه

عصفور احس روحي انه ويلگه بـ احظانك عِشه

خنگة المغرب هالخلگ

-بس أنت جية الغبشه ،
.
#احمد_ابراهيم

و شرايد من الله بعد مثلچ بنيه تحبني
ما اتعب بحبچ انه بس غيرتي اتعبنّي
تغثيني بس من اندعي
يارب اخذ روحي بعجل

-وكون بحظنها تذبني
.
#احمد_ابراهيم

بوسط حظنچ
وبالمساحة الكلش اصغيره عَليه
هناك بيتي
لو تضيگ الدنيا بيه
.
#احمد_ابراهيم

امس وصيت روحي انه بـ حزنها
تاخذني و احط راسي بحضنها
و اگلها التعب فارگته و اجيتچ
عگب چم فاتحه الفرحه لگيتچ
غَريب ويا هويتي شگد هويتچ

-مثل ما تهوى كل غربه وطنها ،
.
#احمد_ابراهيم

شما عَده الوكت أهوى بـ الاضعاف

-حُبك مثل الالحان القديمة
.
#احمد_ابراهيم

ليش يا راحة گليبي
و يا بعد روحي حَزينه ؟
ليش تنغث الحَنينه ؟

و ليش ما دنيتي راسچ فوگ چَتفي
و گلتي نعبر
و ما تظل عدنه حواجز
ليش خليتيني اصير انسان عاجز

لانه گاعد گربچ واگدر اضمّچ
ولانه عارف بيش اواسيچ واكلمّچ

انه لو بيدي
اشيل الفَرحه من العيد واشمرهه اعله گلبچ

-انه گد عَجزي اذا شفتچ حزينه هواي احبچ ،
.
#احمد_ابراهيم

على راحتها تحچي و ما گلت ليش
اخاف بـ ليش من عندي استغلها

بگد ما امشي احس بروحي مشلول

-اذا تحتاجني و ما اوگفلها
.
#احمد_ابراهيم
.

'
اول يوم ..
مثل كل حُرمه حاچتني وگلت صدفه

ثاني يوم ..
بديت احچي و كلامي وياها بي لهفه

ثالث يوم ..
گمت اشتاگ للكلمات من عدها

رابع يوم ..
دققت بـ اقل تفصيله شالتها
احسبت خرزات معضدها

خامس يوم ..
بديت اتعلق و ما چنت ابينلها
ومشت الايام بيه و ما محسبلها

و صارت اقرب من الدگه الـ بصدري
و بداية يومي بس منها
صباح الخير يا عمري

ونهاية يومي بس من ايدها بشَعري
وهسه اتندمت ع العُمر ذاك الراح

الخلّص كله بس ابيش ما ادري
.
.
#احمد_ابراهيم

ما گلت عنچ حليوه الناس تطمع
و لا حچيت اسمچ بنص گعدة شباب
روحي ويه الكلمه تطلع
الشاعر اليحچي شيسوّي ويه الحبيبه
ما يعرف الحُب و لا يدنه صوبه
و اليفكر ماله يجذب گلب حوى
هذا مو بالصدر گلبه بنص جيوبه
انه متعوّد اذا دَمعت عينچ
اعتذرلچ
و هي مو دمعه احسها

-نظرة المحبوبه اذا هَمّ بگلبها تصير حوبه ،💜
.
#احمد_ابراهيم
.
.

النّشد ع الما نشَد ذله
خلينه يروحي ابعاد

اجبر روحي بالگوه و اروحن غاد

و اظل مثل الصنم ما منعبد ساكت

احترگ من غيرتي وشوگي واظل ساكت

ويدفعني الهوى لبابك

-واجيك ارماد
.
#احمد_ابراهيم

لو الله خالقني مَلك يمهة واگلها اتمني
وبيدي ارجع كل وقت بي مَرة بعدت عَني
من طين مخلوقة البشر
بس هي مو من طين ابد
مخلوقة من مَيّ فضة
ليلمسها چَن داخل صلا
لازم قبل يتوضى

و العمر يمها بلحضة
ليدخل الگلبچ اعتقد

-مو دينة يكمل حظه 💜
؛
#احمد_ابراهيم

انشالله بخير وعسى عيدج امبارك
و التهاني وطبع اديهم فوگ چفي

ذني من غيرج ولا احس بطعمهن
وانت منج بس الشلونك يبعد الزين بيه هواي تكفي!❤️

#احمد_ابراهيم

شالت لون شَمس الله بگصيبتها
و سواد الليل متجمع بشامتها
يخلص كل هوى و اختنگ وابدي احتار

-و اتنفس برگبتها ،

#احمد_ابراهيم

من كثر ما حلوه حاير
نفسه وجهچ وره دموعچ
يبقى لو مَره ضحكتي

بـ يا شَكر مخلوقه أنتي ؟

-گلبچ ألطف من وردهم يا وردتي ،💙
.
#احمد_ابراهيم

ضعت بس أنتي صرتي اگريبه مني
و لگيت عيونچ تسولفلي عَني

شفت روحي حلو بعيونچ هواي
من عدها وحلتّ ويايه دنياي

تغيرت و عرفت شلون اعديّ
ضيمي و ما تظل ايدي اعله خَدي

و بعيونچ انه ليليه اساهر
اصد ليها واحس روحي تسافر
حِمدت الله بكثر حُبي لهالعيون

-الخلتني اصير بحبها شاعر ،🧡
.
#احمد_ابراهيم

اصيرن نَجمه لعيونچ اذا كل ضوه عنچ غاب
و أصوغ من الـ عُمر شَذره لتراچيچ
و اسوّي من الضلع طوگ لطَرف شَعرچ
اذا جاچ النَسيم الـ هاب

و انه لخاطر تشوفيني

-اذا دنگتي اصيّر تراب
.
#احمد_ابراهيم

‏اخاف احچي واقلل من قَدرها
واذا اسكت اظل حاير بـ امرها
الـ من گد ما بريئه تبچي نوبات

-اذا ضيّعت قراصة شَعرها ،💙


#احمد_ابراهيم

انشالله بخير وعسى عيدج امبارك
و التهاني وطبع اديهم فوگ چفي

ذني من غيرج ولا احس بطعمهن
وانت منج بس الشلونك يبعد الزين بيه هواي تكفي!❤️

#احمد_ابراهيم

عُمر ويه الخوف عايش
و صارت احضانچ آماني
و زوّدت عمري حلاتچ عُمر ثاني
طولچ يخلي الغصن يتمنى شكله
و شَعرچ الطاير خذاني
'خصرچ السيف المجَرب'
بلا حَرب ميّت تراني
عيونچ احلى من الشِعر لو ردت اكتبه
- و صوتچ يحَلي الأغاني .. 🤍
.
#احمد_ابراهيم