تضن الذكريات تعوفك بخير ؟
محطة تمُرها يومية بـقطارك 😔

والله حاير
أني احِبها لضِحكتك
وانتَ ماتضحكلي صاير
يا بُرودك واني فاير
صورتك ما شگگتها
تفيدني أشربها من اضوج
تدري ماحِب الجگاير .

صفر على اليسره
مالك قيمة من تنحط
عطشان انجبرت اشرب بماي الشط
ما اگدر اعدلك طبع منجل بيك
اجي ومن ارد اعدلك ارجع مخيط
وما نرهم بعد روح بجسد مكتول
اقلام الحبر شيفيد بيها القط
وما يتعب المثلي وهل مثال افرض
جبت كل عمري اركض بالجديد افحط
حجله بيت عاجر مو سهل تنحط
چنك نومتي شما عدلك مخربط .

سهلة تبعد ياحبيبي
وهاي أصعب شغلة سهلة .

عاذرها ما تهتم لأن مُهتمه بالمستقبل
مو على سبعين وعلي
لو الف مُحمل أحمل

و انتظر تفرغلي و اجي اسأل على قرايتها

وما اريد الشلونك انه
يكفيني بس تلمح ضحك
لو تصد لمرايتها ،💙

واذا وي غيري تلگه المالگيته وياي
يحقلك لو رحت شتريد اسويلك

گبل هم راح بس هالمرة بچاني
لان ماعندي بس هوّه
ورحتله وما تلگاني 💔

عِشرة بيوم واحد راد ينهيها
ما هانت علية وچلبت بيها
واتخبل علية ودار وجهه وراح
ولو حتى المخبل ما يسويها 💔

ما ناسيها واعرف نفسي ما انسه
اتزوج واخلّف وابني زلمة يصير
ويظل الوجع نفسه ..

وحگ بيت الله وعباد الله
ما اگدر
ومن حبيته مو بيدي
لان لو بيدي احبه اكثر ..

اليوم الصوره بالصدفه شفتها
احس نظرات منها وبادلتها
حچتلي اشياء كلش حلوه عنك
اتخيل ردت اجيك اتصالح وياك
رغم ما انت المزعلني منك
الا شويه واخسرها الكرامه
وكعت صورتك من ايدي وابچيت
ونزلت اتحمدلها اعله السلامه

أتيهـك وابتعــد
والگـاك يـم روحـي

والمراسيل الگلتك بيـه احبـك
هـم أحبـه ❤️

" والهلا التنشاف بعيون اليحبونك وطن..🤎'

" هويتـي وصورتـك
كل سفـرة هنـه ويـاي
وحدة اعبـر بلـد والثانيـه ايامـي

تعـال
الليـل نعـس وأنـا أسـولـف بيـك

زعـل شيـاب كلـش
صعبـة نتراضـى

أحبـك والمسافـة ويـاك
شـارع وأثنعش بوسـه

مَابيه حِيلك ولَك وصلَت قضِتي لحَد !.
يَم اليأَذن اِون كِام اليَئذن لحِد .
وي غَيري جِنك وردَ وياي صِاير لحد؟.
چِاترضَى ذِاتك ولِك عكِل اليحَبك يجَن
بنَارك انا اسَتلِذ مِاود نعَيِمك يَچَن .
باللَيل مِن اختنَك ها كِد سَوالف يجَن .

- لاتسِمع مَن اشتكَي ؟.
ولاتِرضى اسَولف لحَد .

#اياد_الاسدي