لا تحلَف وتعتِذر حِلفانَك يشلَك
وينَك و وين الصَدگ تندَله يندَلك !!

بس أنتي الـ تنسيني الخسارات
نظرتچ عندي اهم من المهمات
كل ما افكر أهدي أُغنية أحتار
- جمال عيونچ احلى من المقامات ..🤍

و خلصنا
و كلمن يرد لمكانه
بس بگلبي غصه للأمانه
صح فارگتك
و فرق الـ يروحون
انا رايح وفي .. و انتَ بخيانه

انه تعبان جاي ادفع ثمن غلطه !
وابد ما جاي اسيطر من احس مشتاگ
واكبر غلطه من تشتاگ للغلطه ..

وانه گلشي البيه منّك
هذا خوفي
ورجفة چفوفي
وحزن روحي وغناها
عرس دمي
وفرحة عيوني وغناي
ومشتهاي، عطش نجمة لضواها
حتى حبك
والنداوة الفوك جفني
كلها منّك

الينكر طيب گلبي وما أجي بباله
مثل مال الحرام ولا اتدناله
والـ اقراله شعر كل ما زعلت وياه
گمت هسه من اذكره الفاتحة اقراله
طلع طلعة الخيط اليطلع من الثوب
وازاني اعلى گطعه وچويته شماله

خلّصت و الدور الأكبر للهدوء
واختصرت الما يرهمن بـ اختصار
دمعة المصدوم ومشيت اعله كيف
بلا اعتاب ولا ملامة ولا اعذار
مو كره ، لأن الكره ينعد شعور
اللا شعور بعشرتك هذا انتصار ..

وحدي و ما احبن هوسة الناس
بحيث جنازتي اتمنى اختصرها

جامَلتك عُطُف تدريني ما مِحتاج
المِثلَك واليشبهَك مالهُم داعي .

مِدري شچَنة نحِچي وجَابوا أسِمك
تمَنيت الگلِب سَاعتها يمِك .

تِغثني و أَبقى ساكِت
مِثل شص الصيد
تِجر مِن حَلگي زادِي
و ما أَطَلِع حِس .

لا هنه العِمن حَتى العذر عميَات
‏ولا هنه الغفن بالليل وَارتاحن .

غريب إحساسي هالفتره
يوميه ملامح وجهي تتغير
ضياعك هذا ما اعبره
گلب ماعندي مثلك حتى أنسى الصار
فرأغ بداخلي
ولو تعرف شكُبره
واصل مرحله الطير اليحط ع البيت
جايبلي رسايل منك اعتبره .

تاجر مو شرط عندك ذهب وقصور
بموقف ويه ربعك تنحسب تاجر

ابنادم بين فتره وفتره كون يغيب
ويفرش ناسه كلها ويگعد يصفي