مـا انفهم وبـألف شخصية تلگاني
تعرف السهل الصعب ؟
بالضبط هذا آني
تعرفني طبعي حلو و اتعلق بسرعه
بعدين اعرفك على الماعنده خط رجعه
مرات احس مختنگ من تگطع اخبارك
مرات اگوم اختنگ من يوصل اشعارك
مرات كلش سهل
مرات متشدد
بيا جانب اظهر الك ؟
هاي انتَ التحدد .

لا مثل الخلگ
وتدگ عليه الباب وتسرّ خاطري
ولا گلت متبري

_ عريان السيد خلف⁩

دور الخذيته علَي
الشيطان ما دبره
من انهجم بيتك
چنك هذاك الكفر
ونوب صلى وسكر
ونوب تاب وكتل
ما تنعرف نيتك

" حاطَك طوق بِرگبتي و حاسبَك طوق النَجاة "

كل مَرة
ترجَعلي بعذر
توجَعني منه صفاحي
مامقتنع بي وابتسم
يمَك عشت دور الثمل
بس انه كلش صاحي.

انام وما مخلي بگلب واحد غيض
واگعد والگه گلبي من الحچي مورم

- عقيل العرد

هلبت بليلة حچيتي لشهريار
حچاية العافت رجلها ..
ﭼـانت بنية ولا كل البنات ..
وحلوة مثلچ شهرزاد ..
چانت وچان الوكت دنّة بحجلها
چانت بكل بيت من كل المحلّة
حچاية النسوان كلها ..
ها حلاها، ها وسع عين العليها
والحلگ، قربان من سوة حلگها
حلگ حمرية شواطي ..
والشعر ظلمة شتا ..
وليل الشتا إعله الگذلة ساطي
والصدر مرمر، ولا قصر الخليفة المنّه حاوي
ولا حوَّة من الشفة حاوي ..
چانن يغارن لوَن سمعن زلمهن
ردّدوا طاري سعاد ..
يا قهر لو وحدة منهن لچحت تحاچي رجلها
چانت أعذب شهرزاد ..
جانت أعذب من ليالي الصيف وأطرة ..
وچانت أترف من حريم الوالي والسلطان وأمره
وچانت و چان الوكت .. دنة بحجلها ..
فاض نبع الشوگ عدها وغرگاها ..
وضلّت تفوج بحلم والمد طواها ..
وشلهت بشاطي أملها بلوح زفة ..
ﭼـان الوليد بكبرها .. شوية أكبر ..
ﭼـان جيران العمر والجورة تكبر ..
وهوَ يكبر وهيَ تكبر
طفّوا بدرب الوكت عشرين شمعة ..
فاض نبع الشوگ عدهم صدفة بالحب ..
وغرگوا بناگوط دمعة ..
دافوا بليل الوصل حفنة سوالف،
باعوا الدنيا وشروها وباعوا وردوا شروا ..
وتمازحوا، وتزاعلوا، وتصالحوا،
وترادفوا مهرة نبي سليمان.
وتعدّوا حچي وشر المضايف
..
#شاكر_الخباز

‏مشتهيلي وجوه تبقى ،
كافي تبقالي الصور .

ردت ادخل واحاچيها
وشفت آخر رسالة شلون چان الرد
رد يشبه سواد الليل
شلون عيونها واسود
رد بارد مخيف هواي
مثل ثلاجة الموتى وبعد ابرد 💔

يا عصاري اهلي
ودفو الحوش
وسطحنا

اليشبگ خدود الكمر ويبات يمنه

انت وينك ؟
دوريتك

بالشناشيل العتيگه ومالكيتك
تالي منك ايسيت

ورجعت من الحلم
مكسور طيف

جفي كايد محبسك وبلايه شذرة
جي لان انت شذرتي

جنت اظن جتوفك يتجن كُبرتي
جنت اظن تبقالي دوم

تالي رحت بلايه نشده
حتى مالحكت اودعك

حتى ما لحكت اكلك
من تسافر لاتسافر

سافر بروحي قصيدة
وطير بيه
وصْفك جنيحات گلبك

حطحط اعلى جتافي
حنية جهال

آنه لو موجود اموت وماتروح
وكبل ماتندار اصيحن الك تعال

بس مشيت
وانه بالموت انتجيت
بس مشيت
.
#اوس_النواب

چان بوكتها حرب
والقاده نصحونا
الماينتبه ينكتل لاتنشغل بالمضى
ضلوا يذكرونه
بس ماسمعت الحچي
چنت امشي وسط العدو
وبچفي احط صورته واصفن على عيونه
ثاري اليعوفه العدو ناسه اليكتلونه ..

اذا هو الحِزّن بالروح
وينّ نروح ؟

ميخَالف يروحي تحمليهَم
اهَلنا أعزاز ميزعل حچَيهم..

بعدني بطن امي و والدي استشهد
اني اول طفل يلبس اگماط اسود 💔

بيمَن ملتهي بيا شجرة يا عصفُور ؟
أشـو ما لك خُلگ مَتفوت بُستاني .

مَيّزتك اعله البَشر
وسَاويتني وياهُم.

انة الشِط الچُبير الشَايف وعَايف .
شجاني گبال بيرك چني ماشايف !!!

حَچيك عَالگلُب دوسة حَوافِر خَيل

رَاح امشِي مَا وصِيچ يَا دار أهلنَه
مِن يمَر بيچ فلان گليله شلنه.

امس شفتك حلم بية
امس ياريت لو ينعاد يوميه