وطلع كل الرسمته اوهام بـ اوهام
ارسم ع الظلام ب قلم كحلة ..

تمشي اويه غيري شلون ما اقبل بهاي
لك اني اغار اعليك من تمشي وياي ♥️

- عبد الحسين الحلفي

مَرات تِحصل بِالصِدف
نَظرات بيني و بينة
و أَصفن و أَحير و أَرتبك
يَا لون هذا بِـ عينة ؟

أَدز مِرسالي و أَبقى الليل گاعِد
عَقلي يعوفَك و گلبي اليعانِد
مو بَس نار تِحرِگ روح الإِنسان
الحارِگ روحِي رَدك چان بارِد

يا رخص الليالي البيها چَنت ويَاك
وأقرالك قصيدة بصُوتي المطبگ ..

اكثرَ مَن الاعمَى شمَالك انگاديت
اذا ترَچعلي لازم چفك اتبدَله .

من يمتة زعلنة يصير إسمة فراگ ؟
وانعاف إعلة شغلة ومامسويها 💔

مشط وبشعر نَاعم هيچ مَاشي وياك .

لا تروحين من اديني
وخاف ازعلج
خاف اذي گليبچ الچنه فَراشه
تحَمليني، أنتِ حلوه
وإني تعبان من اجيتچ
ناسي وأهلي متعبيني
وخاف أجي تعبان يمچ
حطي ادينچ فوگ جرحي وطيبيني
أمي گالت دينك يكمله الزواج
وانتِي ديني
وخاف اموتن
نامي يمي وبوسي گبري
و ودعيني
ولايضل بالچ عليه
حتى لو ميت
احبچ وأبد مايبرد حنيني
وادري بيچ شگد حنينه
وخاف اتعبچ لاتجيني
هاي دنيا وكلها تمشي
ابريني ذمه وسامحيني
يجوز اروحن من ادينچ،
وانتي بعدچ بين اديني .

مـا انفهم وبـألف شخصية تلگاني
تعرف السهل الصعب ؟
بالضبط هذا آني
تعرفني طبعي حلو و اتعلق بسرعه
بعدين اعرفك على الماعنده خط رجعه
مرات احس مختنگ من تگطع اخبارك
مرات اگوم اختنگ من يوصل اشعارك
مرات كلش سهل
مرات متشدد
بيا جانب اظهر الك ؟
هاي انتَ التحدد .

لا مثل الخلگ
وتدگ عليه الباب وتسرّ خاطري
ولا گلت متبري

_ عريان السيد خلف⁩

دور الخذيته علَي
الشيطان ما دبره
من انهجم بيتك
چنك هذاك الكفر
ونوب صلى وسكر
ونوب تاب وكتل
ما تنعرف نيتك

" حاطَك طوق بِرگبتي و حاسبَك طوق النَجاة "

كل مَرة
ترجَعلي بعذر
توجَعني منه صفاحي
مامقتنع بي وابتسم
يمَك عشت دور الثمل
بس انه كلش صاحي.

انام وما مخلي بگلب واحد غيض
واگعد والگه گلبي من الحچي مورم

- عقيل العرد

هلبت بليلة حچيتي لشهريار
حچاية العافت رجلها ..
ﭼـانت بنية ولا كل البنات ..
وحلوة مثلچ شهرزاد ..
چانت وچان الوكت دنّة بحجلها
چانت بكل بيت من كل المحلّة
حچاية النسوان كلها ..
ها حلاها، ها وسع عين العليها
والحلگ، قربان من سوة حلگها
حلگ حمرية شواطي ..
والشعر ظلمة شتا ..
وليل الشتا إعله الگذلة ساطي
والصدر مرمر، ولا قصر الخليفة المنّه حاوي
ولا حوَّة من الشفة حاوي ..
چانن يغارن لوَن سمعن زلمهن
ردّدوا طاري سعاد ..
يا قهر لو وحدة منهن لچحت تحاچي رجلها
چانت أعذب شهرزاد ..
جانت أعذب من ليالي الصيف وأطرة ..
وچانت أترف من حريم الوالي والسلطان وأمره
وچانت و چان الوكت .. دنة بحجلها ..
فاض نبع الشوگ عدها وغرگاها ..
وضلّت تفوج بحلم والمد طواها ..
وشلهت بشاطي أملها بلوح زفة ..
ﭼـان الوليد بكبرها .. شوية أكبر ..
ﭼـان جيران العمر والجورة تكبر ..
وهوَ يكبر وهيَ تكبر
طفّوا بدرب الوكت عشرين شمعة ..
فاض نبع الشوگ عدهم صدفة بالحب ..
وغرگوا بناگوط دمعة ..
دافوا بليل الوصل حفنة سوالف،
باعوا الدنيا وشروها وباعوا وردوا شروا ..
وتمازحوا، وتزاعلوا، وتصالحوا،
وترادفوا مهرة نبي سليمان.
وتعدّوا حچي وشر المضايف
..
#شاكر_الخباز

‏مشتهيلي وجوه تبقى ،
كافي تبقالي الصور .