گتلك عوف ناسك انا اغار عليك
بديت تعوفني وتكثّر بناسك ..

حَيرتني بهذا وضعِك
سَاعة رايح وّ ساعِة راجع
وّ ساعَة ملهىٰ وّ سَاعة جامِع
كافِي إبن الـ ... حشىٰ السامِع .

گلي البيت البصفكم يبيعونه ؟
احب ديرتنا بس وجهك جبرني اليوم
اغم المنطقة دربونه دربونه . ♥️🥲

يَـ دخآن الجكآره المآ عفت ريتي..
يَـ المخليني آتيه وجوه آهل بيتي
يآ شيب الرآس يآ بوآك عآفيتي
كون الدمع ينبآع وآجمع وأعده
ينعصر ست مرآت وجه المخده !!

#حسين_العميدي

رآجع قرآرك بيه لآ تتسرع ..
لو هسه ترجع لو بعد لآ ترجع !!
مآ عندي وآحد يلعب ورآيح رآد ،
بس النفس يدخل بـ كيفه ويطلع !!
وهالمره مو موزين .. ميت صَدّك ،
والگلب چذآب الگلب ليش يدك ؟؟
وعيونك المآ شآفن شصآر ودآر ،
مآبيه رفعه رآس خلني مدنك !!
مو نقص بس الوكت مآخذني هوآي ،
مو سهله تبدي من الصفر وتلحك !!
مو سهله هآي ( سنين ) لو يوم ، يهون !!
جآ هي الآيد الوحده كوه تصفك

#حسين_السلطآني

مانام اعله خوته
شكد حنين الميل
يفتر ساعه ساعه
ويسئل اعليهم ..

چا والرسايل والصور
والحيل احبك ،
وينهن ؟

اني لو ادري أهتمامي الزايد
يرخصني يمك
ماصرت هيجي ترف
اني غشتني البدايات الجميلة
اعترف

أصليلك ترد لي أثنين ؟
أشوفنك ضوة بيا عين ؟

عين الدمع عين الدم
عين المابچت مرتين، وأصليلك
تُمر بيه ضوه بيا حدْ؟
حد الجزر، حد المدْ
حد الما وصل للحد

يامجرى الشمس گّلي ضواك شگد
أخذ من روحي گطرة ظيم
تطفي شما ضواك أمتْدّ


#ذياب_گزار

‏أدوسن فوگ جرحي والچم الملچوم
‏و أخلي الساكنات لربهن يشغرن
‏و ألتج للمكابر على أعناد الضيم
‏و الگاهن وياي يگومن يگعدن


‏#عطا_السعيدي

گصه بيه الوكت وتنطر تعود
انا اخرس والوكت يرادله صياح
الحزن ماعنده غيري توالف وياي
الفرح خطار مرني ومن وكت راح
يخاين بس احبك من يجي الليل
استلذ من كون اخلصه بهمك نياح
براسي كليب طايح وادري بيه وين
وراسك ماعرفته بيا متن طاح
الگبل لاحت سما من نومت عليك
ابشرك صار حدها الكض الاصفاح
اذا يوم شتهيت محاضن وياي
تحاذر لاتخجل جفوفوك رماح
وحكَي من اكول هواي تعبان
هوه العنده مثلك وين يرتاح

#اياد_الاسدي

تَعال بصَدري نَام سِنين
جِيب وِياك كُل تَعبك
وإحشُر تَعبَك بصَدري
آنّه أهوَاك
وأتحَمل تَعب گلبَك
وَلا فَديوم أمِل مِنك
وأظَّن تِدري
وفَرفح رُوحي هَم أقبَل
مَا اگُلَك دِكَافي وعَيب
إنتَّ وِليَدي المِدَلَل ♥️

آفترت الدنيه وغلبت الدنيه دآس ،
والله عوضني بـ ولف يسوآله نآس !!
آمنيتي آصبح والكه روحي بين آديه ..
ويلولي بيه شمآ يمر وكت النعآس !!♥️

البيت البي حضرتك يسوه عشر بيوت
ركن ويخبل من بيوت زيونه ♥️

واتلكه اليجيني منين مايشتاك ،
اليمر عابر علي من روحي ماطلعة ،
لعدوي وصاحبي تغبش ضحكتي وياي ،
اليجي سيف عله نحري استحي ومارجعه،
وفرزن ريحتك من يادرب مريت ،
اليجي مشتاگ يثگل والهوى يدفعة ،
اختصر كلشي وطول من اريد انساك ،
وحس كل صبح بارد وجهك يتبعه .

أنا شناسي ؟
أحط راسي وأريد أغفىٰ
وألف شغلة تجي براسي
أضّل أتلمس بگلبي
أضل أحسب ..
عددهن كامل جروحي
كلشي أذكر
انا ما ناسي بس روحي

والمرارة تزيد لليمشي بجزيرة
ومالگة وسادة محبة تريح ظهرة
والمرارة تزيد للمايلگة فيّ
وينتچي اعلة الشيب عمرة

#الگاطع