انا المامش خيال يوالم خياله
انا الضحكت جروحه بوجه چتاله
يا سر الدمع والدم
غريب انا
وغريب الماي البچفّي
اشوفن بي عطش روحي
غريب انا ...

#ذياب_گزار
.
.

.
.
يا مجرى الشمس
گلي ضواك شگد

اخذ من روحي گطره ظيم
تطفه شما ضواك امتد

#ذياب_گزار
.
.

ذبلن وعود العشگ
بشفافك وماتن ..
وطيور حبنه أرحلن وي طيقك وتاهن -
وكل المهاجر اجه
وگلبك بعد ماحن ... !!!

#ذياب_گزار
.
.
.

وأظل أطفه؟؟ وأشب وطفه؟
ويشب بيه حريج النوم يطفيني وأظل أطفه؟؟
وأكَلك اي يحاديني
حلاة الموت لو مات الرجل وكَفه
.
#ذياب_گزار
.
.

صلاة إعيون مطبوع الحزن بيهه
طبع كل صوره بمرايه
وثگل عمرين بعيوني العتب وياك
بس ماوچدت ياطيف
دغدغ زيبگ إعيوني وحچه إحچايه

#ذياب_گزار
.
.

اجيت وياك عگب الموت سر مذبوح
اريدك تلچم اجروحي

غميجه وسرهة ماينگاش

#ذياب_گزار
.

سولفتلي
وفرفحت روحي بسواليفك حمامة
وسولفتلي
ودنگيت بمستحة العين،،اعله متنك يابو شامه
وسولفتلي
ويسمر أول هيل اكش كشة برد
ويسمر أول هيل،،جنت انة استحي،وأوصل وارد
وسولفتلي
ومدري ليش

الگاك يمي بكل حلم ماي وسعد
وسولفتلي
واكبرت يمك غفل
والماي راكد
وسولفتلي

وكبرت بعيني الوكاحة
ونگد ناگد
وسولفتلي،
وگمت اسولفلك چذب
واغتاض من حچيك ،،،واعاند
.
#ذياب_گزار
.

وسولفتلي

ودنگيت بـ مستحه العين
اعله متنك
يابو شـامه

#ذياب_گزار🌿

وسولفتلي

ودنگيت بـ مستحه العين
اعله متنك
يابو شـامه

#ذياب_گزار🌿

❤
ومتانيك ...
ومتاني المحنه البيك تچهبني

ضل ابعيد ... ومجافيني

بس حبني

#ذياب_گزار🌿

يا اخر جرح بيه
تلملم غصباً عله الروح و لچمته
ظل بس النبض بـ گليبي
اخذه و روح ،، لا ردتك و لا ردته

#ذياب_گزار🌿

وعيونك گَمر تايه

تايه وبسمانه يدور

ينشد عن كحل وبخور

.

#ذياب_گزار

أغنيلك يَ گلبي شما يطول إلليل
شما نجمه بـ حزنهه تفيض

يَ گلبي إلناس كلهم سود
بس إنتَ وحبيبك بيض

#ذياب_گزار

و انه العابر التاريخ
من أول جدم رسمت علامتهه
اعله حبات الرمل لليوم ..
انه العابر التاريخ ، طيف بلا وجه انه .. !
يريح انه .. يماي انه .. يا كل العطش و الخوف انه ...
.
#ذياب_گزار

وأصليلك
صلاة ألما لگة ذنوبه ع ياهو يموت
صلاة التيه دروبه ع ياهو يفوت
صلاة الما دره جروحه بحلك ياحوت

وأبجيلك تغير دموعي الك مهرة شمس
خيالها موزم
يخي عونه ويهيناله
الدره اليا علّة مفتاح الدمع يرهم

#ذياب_گزار

ولا بلل شرايعنه الكتلهة العطش زود الماي ..
يَ سنين العمر بهداي _

#ذياب_گزار

أصليلك ترد لي أثنين ؟
أشوفنك ضوة بيا عين ؟

عين الدمع عين الدم
عين المابچت مرتين، وأصليلك
تُمر بيه ضوه بيا حدْ؟
حد الجزر، حد المدْ
حد الما وصل للحد

يامجرى الشمس گّلي ضواك شگد
أخذ من روحي گطرة ظيم
تطفي شما ضواك أمتْدّ


#ذياب_گزار