الليله حزنچ شاط بيه
وجرني من سباح گلبي
بيه شعواط وحريجه ونار و ازود
الليله مامرتاح كلش
مدري شنهي بصدري
جاي يخرخش اسود
.
#محمد_لفته_العماري

يم گبري لمن تجي
شتفيد إذًا نادم ؟
من چنت يمك عدل
خليتها بعثرتي
تتشمت الوادم .

اخر حچايه بـ يا دوة تهيد ؟
گتلك شلونك ؟ گتلي شتريد
ملهوف أجيت تردني مذبوح
رايد عيونك كلشي ماريد .

أريدك بالحلم خطار مر بيّه عشگ أخضر
وأتيهن نجمة بسنينك أدور طيفك الــما مر

خذانا الواهس من بعيد نزف شموعنا بشوگك
مشينا وأيد تشبج ايد ننــــــاغي الروح بطيوفك
العمر من غير حب شيفيد لمني بعصرة جفوفك

ياريحة مسج يا هيل
عذبني ونيــن الليل

شگلك وانتَ نسمة صيف شگــــــــلك يالذهب شعرك
لاجن مـــــــا تحب يا حيف تصد وتعذب بهـــــجرك
وادلل بالصبر سنتين خلص صبري الحمل صبرك

يكــحلة بجفن كل سمرة
تره الدنيا بطرگ عشرة

أجيتك من بعد غربة أجيت بليلة كمرية
هذاك اني نبع صافي يخايب دغش ما بيّه
أجيتك والعتب بالعين عتب عاشگ بحنية

واكلك هجرك شسوة
لوّن ادري فلا اهوّى

ودعت السماوة بليل وهزني الشوگ بالحسرة ..
أسافر لا صديج وياي ..
بس جدمي النگل صبره

وظليت بطرگ روحي.. واتـﭼّـه على جروحي..
ويا حيف والف يا حيف..
عبنك مو صدك صاحب..

گضت والدنيا مگضية...
هدني .. هدني ولاتعت بيّه

دفنت العشگ بالغربه.. بعد لولايتك مارد
شكبنت العشگ والضيم ..اظن عالضيم متواعد

خسارة التعب ضيعته ..شعر ما ينشره وبعته ..
ويا حيف والف يا حيف... شبگت سنينك المرّت
.. مثل شبگت البردية
..هدني ..
هدني لاتعت بيّه
.
#ناظم_السماوي

وشلون ما تنتهي
من تصفنلها عدل متشابهة القصة ..

تقرا و انه اتعبْ بدالك
و هي كل اسئلة روحي
عيونك الحلوات حَلهن
تدري من تنام عينك
ودي ارتبلك أحلامك
"و ناعسات عيوني خَلهن"
انه صح هاويك كلش
لكن من اختار بيدي
- حتى اخليني بطلهن ..

وماگلتلي
الليل شيّع كل
محطات الضوه

وصارت مگابر
حته ماتاني القطار !

#ميثاق_الهلالي

إنتَ مَا يحتاجلَك عِيد الغَدير
چَانت مبَينة تِصير إنتَ الأمير
لو مُحَمَّد مَا رُفع چَفك نگول
ونُفترُض تَرشيح عَالمَنصِب تِصير
النَّاس فُقرة بوَكتَك ونُعرُفها زَين
إنتَ ينتَخبَك شَكو وَاحِد فَقير .
- لَيث مَاجِد

( مُتباركين ب عيد الغدير ♥️ )

گتلك عوف ناسك انا اغار عليك
بديت تعوفني وتكثّر بناسك ..

حَيرتني بهذا وضعِك
سَاعة رايح وّ ساعِة راجع
وّ ساعَة ملهىٰ وّ سَاعة جامِع
كافِي إبن الـ ... حشىٰ السامِع .

گلي البيت البصفكم يبيعونه ؟
احب ديرتنا بس وجهك جبرني اليوم
اغم المنطقة دربونه دربونه . ♥️🥲

يَـ دخآن الجكآره المآ عفت ريتي..
يَـ المخليني آتيه وجوه آهل بيتي
يآ شيب الرآس يآ بوآك عآفيتي
كون الدمع ينبآع وآجمع وأعده
ينعصر ست مرآت وجه المخده !!

#حسين_العميدي

رآجع قرآرك بيه لآ تتسرع ..
لو هسه ترجع لو بعد لآ ترجع !!
مآ عندي وآحد يلعب ورآيح رآد ،
بس النفس يدخل بـ كيفه ويطلع !!
وهالمره مو موزين .. ميت صَدّك ،
والگلب چذآب الگلب ليش يدك ؟؟
وعيونك المآ شآفن شصآر ودآر ،
مآبيه رفعه رآس خلني مدنك !!
مو نقص بس الوكت مآخذني هوآي ،
مو سهله تبدي من الصفر وتلحك !!
مو سهله هآي ( سنين ) لو يوم ، يهون !!
جآ هي الآيد الوحده كوه تصفك

#حسين_السلطآني

مانام اعله خوته
شكد حنين الميل
يفتر ساعه ساعه
ويسئل اعليهم ..