مشتاگ للجامعه چي ضحكتك بيها

وعيونك ال من اجي وتضحك گبل شِفتك
مشتاگ احاچيها

نتلاگه وجه بوجه
تعبرني بس تبتسم
وجدامي من الخجل بالگوه احس بيها


#فواز_رشم

بدونج هيج يفلانه

الشمس والماي والحيطان
ورگات الورد .. والناس ذبلانه

صباح الخير يم عيون نعسانه


#فواز_رشم🌿

الليله كل صينيه تبچي
الليله كل حنه يتغير لونها

الليله رمله اتحني ابنها
من دموع عيونها

والخضار بلا حياته
الليله عريس الورد تخلص حلاته



#فواز_رشم

حتى الطيف وحشه بلا ضوه عيونك
يما تدري
افز فَزت مسودن...من يذكرونك

يمته وياي يلگونك..؟

#فواز_رشم

والصبح يبدي بضحكتك 😍🙈
.
#فواز_رشم

نسيت ابيش خيعونك..؟
وانه لهسه اشم بهدوم حتى الما يعرفونك
اگولن خاف بالصدفه ويلاگونك


#فواز_رشم

ألليلة من دون ألليالي نريدكم
ألليلة ماخذنة ألعطش
وألماي كلة بـ جيدكم

#فواز_رشم

ريحـة شفـافج عطـر بـي مشتـهانة
الحمـرة البحلگـج دوانـه

#فواز_رشم
.

لا تلومون الظروف..
امبينه من شحت رسايلكم نسيتو

#فواز_رشم
.

شلون بيه ..؟..من اشتهيك
شلون بيه ..؟..من ارد أكرهك واعتنيك

شرد اسويلك واعوفك..؟
شرد أحط بچفي من يعطش چفوفك

ردلي سويني اعله عرفك
چا ششم ؟ لو شح هوه الله بلايه زلفك

#فواز_رشم
.

شبيه اطيح بكل درب مرينه بي..؟

شماله گلبي
تضيع دگته من يمر اسمك علي..!!

ما كلتلي تروح سكته
ما گلتلي اول عشگ تكتل فرگته
كلشي گتلي
وما_گلتلي_بصفنه_الليل_وخنگته



#فواز_رشم

العيد ..من طولك يجيني
العيد..من يترس سمارك ماي عيني

بلا ضحكتك ..عيدهم مابي محنه
بلا ضحكتك..عيدهم مو مال اهلنه


#فواز_رشم

وين ما صحت سوالف ..كلي احبك
بكثر چلمات الشفايف ..كلي احبك

خلص دروبك على اسمي ..وكلي احبك
اترس الحيطان رسمي ..وكلي احبك

يابعد كل الطوايف

من يِذَكرونك
واضل تارس صفنتك..كلي احبك

من يضحكونك
واضل عاشگ ضحكتك..كلي احبك



#فواز_رشم

العيد ..من طولك يجيني
العيد..من يترس سمارك ماي عيني

بلا ضحكتك ..عيدهم مابي محنه
بلا ضحكتك..عيدهم مو مال اهلنه


#فواز_رشم

الليل بيه انفرد وانه بطرگ حلمك
والغرفه چنها گبر من فرغت من اسمك

وديلي من ضحكتك مخنوگ من دونك
كل ليله اريد انتحر بس تعرض عيونك


#فواز_رشم

( كل عام وانه جرح ما ينشفي بغيرك)
كل عام وانه اختنگ وابچي بتصاويرك

كل عام أريدك تجي..
ويخيبن ضنوني

من الليل اكض الدرب
وانطر لحد الصبح
(عبالي عندك گلب ..ما يگدر بدوني)

وچم عيد مر وخلص
وذيج اعله نفس الدرب ..
تنتظرك عيوني

( كل عام وانت ضحك وانه الحزن لوني )

#فواز_رشم

العيد ..من طولك يجيني
العيد..من يترس سمارك ماي عيني

بلا ضحكتك ..عيدهم مابي محنه
بلا ضحكتك..عيدهم مو مال اهلنه

#فواز_رشم

اكتب اسمك واغفه يمه
ومن يطگ جرحي ارسمك وأطفي دمه

من اهد ما سالمتني بجفي عطرك
صار خمس اسنين اشمه

يا مرخصني شغلاتك!
شكبره حضي..كونك تحبني بحلاتك

انه كل لحظه اذكرك واشتهيك
وانت تنسه بمشتهاتك
وانت غالي وما كلتلك
خمخم عيوني وتسولفلك غلاتك

يا معلمني اعله كربك
ليش وديت الرساله بلا احبك

وليش ما طيحت عينك من شفت عيني اعله دربك

#فواز_رشم

العيد ..من طولك يجيني
العيد..من يترس سمارك ماي عيني

بلا ضحكتك ..عيدهم مابي محنه
بلا ضحكتك..عيدهم مو مال اهلنه


#فواز_رشم

يا معلمني أعله گربك
ليش وديت الرساله.. بلا احبك !
وليش ما طيحت عينك
من شفت عيني اعله دربك ؟

#فواز_رشم