ومثل كرسي المشانق عايش يدفعوك
يوزوك وتجيني بغيضك محمل
صلف ما تستحي چنك وحيد البيت
ويريد يحاچي امه يگلها اريد اعزل !

الشجرة الكاتبين اسمائنا عليها
گصوها وصفت للنار تاليها
رماد بريح صارت عشرتي وياك
رماد وطار متگلي شلم بيها ؟

گتله شلون وضعك ؟
دمّعت عينه
بچه وگال اليفگدك الله اليعينه
گتله الله يسلمك، عوفنا من الراح
حطَب صارت الشجرة
البيها أسامينا !.

عوضَني .
تره الدنيا
إخذت مني كُل عمري
و صبَرني
تره إحتاجك ..
وبس حضنك يصبَرني

ما حچيت بسالفة وكملت وراك
بدة فراگك ، والمواضيع انتهت..

- عقيل العرد

أجه رمضان وآنة بحالة إنذار
وأريد اليوم أعلن اعتصامي
أصوم إعله الأكل والماي سهلات
بس عيونك يخربن صيامي ..

شحسبـالـك مـن تصـوم مقبـول الصيـام ؟؟
وحارمنـي مـن ملگـاك مـن اول العـام

واتذكر ايامك گبل
من نطلع ونمشي سوة
والزم إيديك وتبتسم وتضوج كلما اهدك
شبسرعه انت تغيرت !
ماتگعد بصفي وصرت تاخذ مكان لوحدك 💔

كل ما أريد اكضها يگلي ممنوع
لَزم الايد كُفره بيا ديانه
تَره العشاگ عُبروها المَسافات
وانه وياك شَيب مستحانه .

مِن حبيته شو زاد انشغاله
تالي تأكدت لمن يضمنوك
تظل ساعات مهمولة الرسالة .