نريدك تعبرنه بس الفتره هاي
لا تشيل ذنوب كل المسلمين
تره عيونك تنحسب ع المفطرات
واحنه گوه مراوسيها وصايمين
وشامتك رسمياً تخرب الصيام
وضحكتك تستفز حتى المتقين
خل يخلص عاد شهر الله وتعال
وباقي الاشهر باليعجبك صايرين ♥️

- احمد المرشدي

رمضان كريم حبايب ♥️

نسيتك گوه موش براحة البال
ومر ذكرك بروحي والجرح عال

افگدك لو تزاعلنا
وافگدك لو تراضينه

مرات الخساره تجر خسارات
وفه الغيمات كبر مشكلتهن!
اول گطره طاحت والبقيات
نزلن بلكت يرجعن اختهن

مامتعود اگضي ايامي من دونگ .
خل يطفالي كلـشي ولا ضوه عيـونگ

#زيد_آلهاجري

يريت الناس كلها تعوفني بحالي
وبس انتَ وحلاتك ترهم گبالي
#زيد_آلهاجري

ماسَميها عيني الماتجي بلونك
خَل يطفالي كلشي ولا ضوة عيونك
#زيد_آلهاجري

اطلب گلتله و گال شتريد اخذ هاك
گتله افطر اعله إشفاك منا للإمساك ♥️

#عدنان_البركي

ومثل كرسي المشانق عايش يدفعوك
يوزوك وتجيني بغيضك محمل
صلف ما تستحي چنك وحيد البيت
ويريد يحاچي امه يگلها اريد اعزل !

الشجرة الكاتبين اسمائنا عليها
گصوها وصفت للنار تاليها
رماد بريح صارت عشرتي وياك
رماد وطار متگلي شلم بيها ؟

گتله شلون وضعك ؟
دمّعت عينه
بچه وگال اليفگدك الله اليعينه
گتله الله يسلمك، عوفنا من الراح
حطَب صارت الشجرة
البيها أسامينا !.

عوضَني .
تره الدنيا
إخذت مني كُل عمري
و صبَرني
تره إحتاجك ..
وبس حضنك يصبَرني