يا وجع گلبي واذيتي
شگد احبك .
ومن اشوفك تحچي وي غيري واموت
شگد اموووت
شگد اسب الدنيا والناس وضروفي
وما اسبك .
ومن ارد حي برسالة ،
وانسى كلشي ،
هناك اذب عقلي واجيلك گلب يمشي
وگلبي انته شلون اذبك .
اي يچنك قاب نمنم ، بزر كشمش
روح وردة
ومي غريب .
اي يل منگرش قوافي ، وماي صافي
وهلب سنبل
شي عجيب .
اي يل مودي خيالي لكل محطة
بكل محطة اسمك لگيته
ومامش لوجهك نصيب .
هلبت ترجعلي شوفي بديرتي القمصان شحت
والجرح طوله اعله طولك
والوصل طبة وطبيب .
ها يل مكمشلي روحي شطاحلك وابرز عذابي
وليش تجفي وچنت اعدنك حبيب

يامحلى ذاك الوكت
صافن ولا منتبه

وايدج اجت لايدي
كاودتج وحسبت متكاود اوي النجم
وعيونج اللي بخجل
دارت عليه وتهت

حسيتني اتفرهدت
من يومهه لهل وكت
باكتتني عيونك

هوسه بـ بيتنه
وأخواني مَخبوصينَ
وكتل وفصِول عِدنه
وخبصه چان الـ بيت
وبنص هَالوضع والـ هوسه
رِحت بعيد
حاچيتك بـ ختلة وكتلك أشتاكيت

حرت ليلة الفرگه شلون افسرها

عفتني لوحدي وانه انسان
اجي لـ حضنك وره كل معركة اخسرها 💔

الدنيا يمكم مُطر
واحنه ولا گطره
عافانه حتى المُطر چي يدري ننتظره
مو صدفه هذا المُطر من زار ديرتكم
مشتاگ مثلي ترا
يبچي اعله شوفتكم ❤️.

بسّك تمرني بحلم طالبني بطلابه ؟
مو گتلي كلشي أنتهى
منا وغاد أعتذر وحّدك كمّل الدرب
ماريدك تحبني
ولمن شفتني ردت غيرك أعاشر بشر
ترجع تعاتبني !!
و تگلي چنة وچنت ما غزرت عشرتي !!
هو أنت هسه منو وكاعد تحاسبني .؟

هاي الناس بس عالجاهز يحبوك
محد مستعد يدخل صراعاتك ..

على ياساس ابنج كاعد يناغي
وحبيبج ينگطع نسله ؟
على ياساس نص دينج كمل بعدي
وحبيبج ضيع القبله ؟؟
وعلى ياساس كبرتي بسرعه وتربين
وانه الحاسبج طفله
لو سامع الماريده بلسانج
اتخطه واضن سهله
لو راجع جنازه لبيتنه وممدود
ولاراجع بهل فشله
لو شالع فصوص العين بجفوفي
ولاشايف ضحكتج ذيج بالحفله
موتدرين اغار عليج من روحي
على ياساس بيده يلملم الكذله ؟؟

يَـالــعيشتني بضــرف
مـامـش بِشــر عاشـه
ام وضــناهــا ولد
ووحيد عـده وتــرف
تگعد تـشـوفــة الصُــبح
مَــكتولُ بـفراشــه

نامت بحضني وشكتلي همومها
وسولفتلي شلون يخلص يومها
وضحكت وگلتلي ربي يدومها
سكتت وگالتلي سولفلي عليك
شلونه وضعك طيفي هم يتعنه ليك ؟؟
ردت اسولف وگالت مبينه الجروح
وابد ماصارت تون بيدي وبديك
وگعدتني امي وطلع كل هذا طيف
وماحجيتلها شصفيت بدونها
ردت اگلها وداعتج كلشي نسيت
ومااحبها
يااخي بس احب عيونها ..