يالمرخصني وانتَ تشوف
عزة نفسي چَن سلعة !
السن اليوجعك بالليل قرارك يسبق الدكتور
بيدك لازم تشلعه ..
فقدان الشغف لو صار
بيمن تگدر ترجعه
حدك ما لزمته وياي
رغم وياك چنت أنسان
تنزل دمعته من يشوفك تودعه .

ودالي وي طارش وصيّة
يگول الكحل زايد شويّة
گتله اشعليك و رَد عليّه
مادام رمشچ عال بيّه

وبعناده زوّدت الكحل خط
وعلمته خشمه اويامن انحط
باولها وياي ايتشرّط
بآخرها چا شيسوي بيّه

ومريت يمه وعطري مر طوخ
وفاحت بخدي اسوالف الخوخ
الليلة گلبي يبات مفشوخ
وهذا العناد ايعم عليّه

شو لا خزرني ولا تحلّف ؟
بس شوّح بعينه وتچتف
الليلة اظن گلبي ايتحسف
واعذاري ما تلحگ عليّه

گلوله خل يرضى واتبوشه
وارضى انسجن بلبل بحوشه
وياي من يگطع اطروشه
چن الهوى المگطوع بيّه . ♥️

- ايما صباح

نطرنه دروبنه ومامش جدم منكم
وفتحنا أبوابنه بلهفه
ولن الدگها مو چفكم!
وصغينه للميسوه ولاخبر عنكم!
مشتاگيلكم تدرون ماتدرون
ماندري شنگللكم!

بوگَت النوم گبرت عندي عادة
لو آيد امي لو ايدك وسادة
صح ماذكره بس تدري شفت بيك
الامأن العشته بـ ايام الولادة ...!

- محمد الشمري

هوايّ حَبوني
لَچن گلبي يرفلَك
حتى منِ أحزن أحِبك .

الطلقة وكت الحرب تكتل شخصين
الجندي والگاعد بگلب الجندي ..

درت وجهـي وأجـو زفـوج
منعـدها وكرهـت حچـايـة الـ شبسـاع !

ما طاحتلك عين بصـوره؟
ما حاضنها و چن حاضنـّي؟

ما تارس حيطانك (وينــچ)؟
ما متخـوصر ومعاتبنـي؟

ما فـاگــدني!!!

#زهراء_محمد

گلوله فلت وانگضت
بس ابد لايدنالهه

گلوله ماتدري الصدگ ؟
تمسح دمعهه ب شالهه

گلوله لو صار العصر
چم حزن يأكل بالهه

كلوله ماخانت ولك
خان الدهر باحواله💔

عگبك ونيـس لروحـي ما حصّـلـت
همزين عندي اصـورّك وچـم ظـرف

الليل اخلصه اويه الصــور والتـتَـن
ما بين صوره وصوره حسبة گطـف

https://www.instagram.com/stories/shahka_sha3r/3299272654533660360?igsh=NGp3bGp4bWtzMGM3

شوفوا الفقرة الي منزليها بالبيج تابعونا هناك وشاركوا بيها ، و اذا عندكم مُقترحات لأفكار ثانية شاركونا ♥♥

ابراهيم المتيوتي