الليله مو مثل امس
منتظر حكّت خشم واحرگ تصاويرك
شگد حسستني بنقص
چا هَيچ ماتلتفت
لو ماشي من مگبره
هم خوفك يديرك !
من گتلك اتغيرت
ماگتلي احب غيرك ..

شائت الصدفه التقينـه
من بعد ماوافقـت تاخذ غريـب
من بعد ماقشمروها بسالفـه
قسمـه ونصيـب
من بعد ماضلت تسمـي رجلهـا
انت الحبيـب !!
هسه تعتـب ليش ماتسأل عليـه ؟؟!!
ماحجيـت وياها بس هزيـت اديـه !!
.

هَاي ياغلطه تسولف بيها جاي ويامحبَه ؟
أسف تگلها الشخص طخيت چتفه
مو شَخص دست إعلة گلبه ..

- زين علي

أنه ليليه احط راسي واريد أغفى
وتجيني أنته
شنو من السته ألف راسي واضل سهران للسته ؟!

ردت أشوفك
حتى أغنيلك لهفتي
وردت اگلك
مِن مشيت
الشيب لَم رُوحــة بگذِلتي ..

٣:٠٣ صَ

طگلي عضمي وعوف گلبي
هذا لاتنشاف طگته
ولا يشدها اضماد علته
مشكله احساس الفطير
شلونك اطيح دمعته

العذاب الشفته منه بگبر ماموجود
عيشني الجحيم بكل تفاصيله

منو مثلي انكسر عوده وبقه مورد ؟!

#باقر_قاسم

أعـاند روحي ما أشتاگ وآني الشوگ كاتلني

#عريان

تعاشرنا ووصلنا لـ حال مُــو زين
مُــرضه ثنينا وبَـس نلتقي نطيب ..

گتلها

نسيت وگالت تچذب

انتَ أول ابنادم يعرگ من يحب

والـ مثلك يتيه بـ عالم النسيان

مثل ذاك الضَوه الـ يختنگ بـ المغرب

گتلها بَعد للسفر ماكو شراع

خايف نغرگ وما نگدر نچلب

وگتلها بَعد حيلي أنچفه وما فيد

گالتلي السيوف الـ باشطه تحدب

وگتلها فقير شعاجبچ بـ العوز

گالتلي الفقير بـ كلهن معزب

وبچت وأسمعها گالت لو إلك لو اموت

گلتلها الحچي الـ ما يَنحچي يتعب

مو صاحب طويله وگلبي عايش خوف

وتفززه القطره الـ تَنزل من الحِب

وگالتلي صبر يعقوب وايوبين

متانيتك بعدني وعـ الهلال أحسب

وهاك أخذ القلم وأكتب وهنه اثنين

لو ورقه وفاتي لو عقد تكتب

وما فاد الحچي ورديت لـ أول بيت

وگتلها نسيت وگالت تجذب

#نائل_الأسمر

اريد ارجع لاول طلعه بالباب
الجنت بيها كبل ما اعرف احد ..

ومن اجيت
ياعسنك ما بطيت
بللت ريح السواجي
الماتت ابروحي عطش

وشتلت بعيوني سن
ابلون رصعات البنفسج
للأمانه كلشي بيه استوحشك !

#احمد_العامري

يذڪرونڪك وأصيح أفيش
أمية و باردة أنصبت...❤️

بعدني اندار اذآ مره اسمعت اسمچ
واني ادريچ مو أنتي ..