يبـاوعلي بطـرف عينـة الچـنت عينه

بديت انساك هسه الحمدلله
ومن باچر اصورّك راح اذبها
وگبل ١٢ رايد نومتي تصير
واخلي عيوني تحلم باليحبها
انت الگتلي اصعب شي .. النسيان
وتعرفني الاشياء الصعبة احبها ..

فرق عيونك اعله الوادم هواي
لذلك لمن تمر صعبه يمشون
بحيث تبين انت عيونك كبار
واليمك شلع ماعدهم عيون

تعال احچيلي شيحلها ؟

عيونك ما تحبني الفدوه اروحلها
آني لخاطرك گمت أعتذر من ناس چانت لو تسلم ما اگوملها .

تنّسي دمعة بجَريده
مَوتوك وعاشوا برُوحك قصيده .

عبد الحسين الحلفي 🤍

احترك گلبي وبده الدخان يتجمع حدر عيني
أضل بصورتك صافن
وارد لـ وعيي من تطفه الجكارة وبيدي تچويني ...!

- فهد عادل

چان ودي عيونك من تصد اگلها
لا تعوفنّي بعد ما ضلي غالي،
و الرموش الچانت اطوّل من حياتي
طولهن لاعب بحالي
انه ما احب التعلق،
مال من كلشي عداهن
چنت احبهن أكثر من الدنيا كلها
- و ما يحبنّي، شجاهن !

احمد ابراهيم

لَتخليني وحدي
منيَن أعرف الناس
لا أكدَر أعاشِر
لا خلگ عِندي
أحِب شلون غيرَك؟ من
أوِد شلون؟
وأني وياك كِلش
خَلص وِدي
بكَد حُبَك لنَفسك چِنت
أناني وياك
ومنو المِثلي يحِبك؟
محد بگدي

ما گِلت صوچك عِفتني
گلت مِن الله ابتلاء
ورَغم كلشي
ما نسيتك بالدعاء
يا حَبيبي الدنيا بردت
مثلك بـ آخر لقاء 💔