وتگعد بمصباح عرسك
كلشي باهت
من ورة البيبان صوت يرن بإذانك
" شايف الخير ويه بتنا وليدكم "
تعاين وگلبك ينشدك
آنه وين ؟
وياهي هالحرمة الغريبة ؟
تعرض بعينك ارسوم الواعدتها
موش مثل اوصافها
اوصاف الحبيبة
بيش بدلت الحبيبة ؟
وليش بدلت الحبيبة ؟
قشمروك ب زفة وشموع وهلال
خشّنو گلبك عليها
ومن بعد ( ريتك عفتها )
ذيچ البروحك شلتها
عيّشوك بچذبة مليانه خضار
وانت ذابل
المُهم راحتهم ، اگليبك شنو ويرتاح قابل ؟
همه فرحانين ب الجابوها ، وانت ؟
والدمع بالليل من يتبده سكتة ؟
ولو شفت محبوبتك صدفة وذكرت الگبل عشته ؟
والوعد لو نشدتك چا ليش خنته ؟ 💔

- سمر الخالصي .

غلطتي وياك چانت مو قوية
ولا استاهل السويته بية
اجيتك مو بوعيي
بشوگي سكران
وكلش رهمت وياي الخطية
وما غثتني من گتلي "انت غلطان"
المصيبة تگلي ما نرجع سوية
باكيت الجگاير سولف شصار
يم ربعي وبچوا كلهم علية ..

هِنيالك غفيت
بلايَه ماتدري
و هِنيالك إصبعك
مافگد شَعري ..

شمنتظر مني بعد ؟
تغلط واسامح واچز
من ليلك شحصلت ؟
لو مختنگ لو افز !

و مادام الدوه عيونك
تلث اوكات مرضني ♥️

ومادام الزعل كلما تحبني يطيح
چا كلساع زاعني ♥️

هيَ شامَة و عدها شامَة ❤️.

آخر ليلة هاي وياك اگضيها
اذا ما تطلع من الصورة اطب بيها 💔

آخر مرة ازت چتالي للبيت
انا انحبيت بعدك وانت حبيت

آخر مرة اجي وتگلي خيرك
لگه غيرك تره الما عنده غيرك

آخر مرة چلماتك تغثني
چنت اتباهه بيك وفشلتني

تفارگنه ونسيتك والعشگ راح
چا ليش من اشوفك تضحك ارتاح

آخر مرة اگلك غلطتك هاي
انا ناسيك بس محتاجك وياي

ردتك تبقى لكن الله ما راد
اكثر مني چنت تحب العناد