باچر متانيك
مو تنسى شگلتلك؟
حتى لو ميت تعال..

اجة ومتوَقع اغفِرلة !
ضَحكت بوجهة بس گتلة :

شلون تگلي مو قصدي الاذية ؟
چنت تعرُف شجاي تسَوّي بية !

• والله وگدرت تخلّيني الايّام
ماحس بضحكتك جاذبيّة ..

و طفى الشارع ضواه
و نعست كُل الدروب
و روحيّ ع الـ مامش تلوب ..
و أنة اذوب
يا بحر ؟ يا ليل ؟ يمعود ..
روحيّ بالظلمة تذوب
و العيون تبوگ حلمي
و الأزقة الغافية و كُل الدروب
يا فوانيس المحلة أشتعلي مني
هاچ دمي هاچ دمعي
هاچ كُل هذا الحنين
روحيّ بالظلمة تذوب
يا بريد ، الليل ما يرهم رسالة
خاطر گليبي يتوب ..
و أنة ع الـ مامش ألوب !

شِنـو عـذرك أذا عرفـوا بعـتنيّ ؟؟

من الاول غشّمت روحي وگلت تقوى علاقتنه
من اول زعل مر بينا شفت بعيونك الحلوة نهايتنه
شفت بعيونك دموعي وشفت محروگه صورتنه
وشفت الشجرة تابوتي الكتبنه اعليهه ذكرتنه
نسيتك والصور يم بابك تردنه
اعتذارك لا يصلح الصار ولا يگدر يرجعنه
ولا تعتذر ماافيدك
انا الما مرة هدّ ايدك
آنه الصدّگت چذبة مواعيدك
أنا الناسي مواليد امي واتذكر مواليدك
آنه الچنت اريدك تبقى دوم وياي
و آنه البعد مااريدك 💔

- مؤمل قيس .

لو ميّت وأمر بشارع مشيناه
انسى جنازتي وتتحرك أطرافي

- كاظم الگاطع

غبشة نعسانة الشوارع
ومدري يانثية بفجر دم تشتهيك
اتذكرت تاجر اعرفة
گلي من تبيع روحك مرلي بلكت اشتريك ..
وتمت الصفقة اشتراني
وگام يمليني شروطة
ما أريــد وما أريــد
وما أريــد ايدك طويلة
گتلة اگصرها واجيك
وابترتها من المتن ورجعت ابشرة
وأنذهل ! ها وين اديك
گتلة عد عينك شلتها
گلي چا شلي بيك
ومن هذاك اليوم والتاجر نسى وسد القضية
وانه منسي معلگ إعلة رفوف صبري
وحتى صار تراب بية ..

عشت بعدك نعم !
بس عشت مدري شلون
عشت دمعة غريبة بوسط الـ يضحكون
اه يا صوت خطواتك بأخر يوم
صوت الباب من ينسد على المسجون ..

چانت تجربة و فزيت منها وحيد
عدل بس طايح من عيون عذالي
عدل بس تارس الحيطان
ذكرى و خوف و نفس
و السجن يبرد من يضل خالي ..

لو أشوفَك
مِن فَرحتي يموت نَبضي
لو أشوفَك
مبَخت ويا كُبر حَظي !♥

سَنة شفافچ على شفافي!
بصراحَة الوكت مو كافي ❤️‍🔥

ماحاب بعدك
و أنــتَ ؟
لحظة ادراك !
حبيت ويايه و ورايه وقبلي
وبوقت بي تتمنى ما أدزلك شي
اتمنيت اشوفك گاعد بنص اهلي ...

محد يحترگ گلبة علية
و يمد ايدة و يطفي النار بية
اذا الـيّ ببيتي ضدي شحال جاري
يلم فوگي حطب وتزيد ناري ..

معقولة بردودك ذيچ
ما شَميت عطابي !
انه انسان مجموعة صور واوراق
إحرگ بيتنه ولا تحرگ اعصابي .

نفكر بيـك
لآخر لحظة بليل
و ترد من الصـُبح
تشغل فِكرنا 🤍
• ٧:٤٤ ص •

وتگعد بمصباح عرسك
كلشي باهت
من ورة البيبان صوت يرن بإذانك
" شايف الخير ويه بتنا وليدكم "
تعاين وگلبك ينشدك
آنه وين ؟
وياهي هالحرمة الغريبة ؟
تعرض بعينك ارسوم الواعدتها
موش مثل اوصافها
اوصاف الحبيبة
بيش بدلت الحبيبة ؟
وليش بدلت الحبيبة ؟
قشمروك ب زفة وشموع وهلال
خشّنو گلبك عليها
ومن بعد ( ريتك عفتها )
ذيچ البروحك شلتها
عيّشوك بچذبة مليانه خضار
وانت ذابل
المُهم راحتهم ، اگليبك شنو ويرتاح قابل ؟
همه فرحانين ب الجابوها ، وانت ؟
والدمع بالليل من يتبده سكتة ؟
ولو شفت محبوبتك صدفة وذكرت الگبل عشته ؟
والوعد لو نشدتك چا ليش خنته ؟ 💔

- سمر الخالصي .

غلطتي وياك چانت مو قوية
ولا استاهل السويته بية
اجيتك مو بوعيي
بشوگي سكران
وكلش رهمت وياي الخطية
وما غثتني من گتلي "انت غلطان"
المصيبة تگلي ما نرجع سوية
باكيت الجگاير سولف شصار
يم ربعي وبچوا كلهم علية ..