الليلة مدري شصار بية
هيچ فجأة لوحدي گاعد واشتهيت تكض ادية
گمت من فراشي اعاين وينك انت ؟ وما اجيت
وفجأة كلشي انطفه بعيني بهالدقيقة اتذكريت ،
چنت ناوي وياي تبقى ؟!
اي نويت وللاسف بس ما بقيت ،
چان عندي البوم كامل من صورّك گلت من افرغ اشگهن
مافرغت ، اتشگگيت ،
چنت ماتدري اني احبك
ودرت وجهك من دريت ،
گتلك ابقى گبال عيني
وعمت عيني وما بقيت
اذكر اخر شي گلتلك عوف ذوله الناس راح يغيروك
وعلى اعنادي اتغيريت ،
گتلي اجيك ورتبت روحي ارد اشوفك
وانتظرتك وانتظرتك
ردت اكحل عيوني بيك
وما اجيت ،
طلّعت كل صورة بيها انت وحچيت
ردت اگلك ليش كل هاي الاذية
وعرگت الصورة من ادية
دمعت
بس ما بچيت ،
چنت ابالغ من اگلك اني احبك
اني اكرهك من زمان
من عَليَة اتغيريت 💔

المَكان الچِنه
نضحَك بي
بدونَك فارغ و وَحشة
أتعنالَه كل فَترة وشَرط ماگوم
إلا بعيني اشوفَن دنيتِي مغَوشة
وما تخمّد..
كل ما طالَت الفرگة عِلَت نارَك
وفَشلتي فَشلة الـ هانّوا
وما عارَك !
انه اليدري بيتك
چان بي شيصير
وَكت گمت اسأل
الغُربة عَن أخبارك ..

حنيت والمفروض ما حن
بس گلبي مابي خير و يچن
بالليل يندهني وجع سن
مثل الفخاتي الفجر و يونّ

- علي المقداد

شكلي اتغير ومسلول صاير
من يوم الرحت لليوم حاير
خطيه امي فطيره تصدگ بساع
تنشدني واگلها من الجكاير ..

لتگلي ماخاسر گبل
انه اليطب للمگبرة
ويحتار يمشي لـ ياگبر
گد ما هواي اعزازه
بس هيه هاي المشكله
انته الخساره التختلف
والله اذكرك وابتسم وانه اعله متني جنازه

هواية احلام أجن بعدك
بس لليوم حلمك واگف بعيني
النار العايشة بصدري
ما تخمد اذا مو أنتَ
بـ متونك تطفيني
شگد احلام وردية ردتها وياك
لكن ماعرفت شلون تحويني .

جاي اقهر امي الـلّٰـه شاهد
تصحى الصبح تلگاني كاعد
تگلي الكواغد يمتى تنعاف ؟
تسَمي الصور ذني كواغد .

بعدني بلاك أطوف الود
أدور عن مراسيلك ..
بعدها عيونيّ ما هملت تفاصيلك

بعدها ومن أفز غبشة الخضار الـ بيها مسگي بفيض
گد ما عينيّ تبچيلك !

بعدك ما مدليها إعلة نسيانك !
بعدك ما مدليني ..
أروح ليا كتر بالطيف و يذبني إعلة بيبانك ؟

بعدك ما صغر طرواك
كبر شبسرعة هجرانك ؟؟

ما معتاز منك غير بس فرگاك ..
يالفرگاك عيدي و جيتك آلامي !

فلا أنــتَ أهتمامي و لا غرض دنياي
و لا حاجات نفسي و لا وحي ألهامي !

يا نغمة نشاز و وتر ما مضبوط
شوهت الجمال الچان بأنغامي

أنــتَ أصل انكساري ! و رخص عـمري الفات
و الذل والشگى و نقصان بأيامي ..

و أنــتَ بكُل كتر بعضاي ألك طعنات
ما ضل عضو مني صحيِح ما دامي !!!

يا سلام لو كُل عاشق عاش غرامنا و شاف غُنانا
يا سلام دا احنا أليّ خلصنا الكلااام ♥♥♥ ..

وانت حجر گلبك !
حتى من اقرب الصور ، تُكبر ومتقَربـك
لمن عفتني ورحت
اني اعترف عاشرت
لكن وحق ربك !!
باچيلَك بكل حضن ردت انسة بي حبك

باچر متانيك
مو تنسى شگلتلك؟
حتى لو ميت تعال..

اجة ومتوَقع اغفِرلة !
ضَحكت بوجهة بس گتلة :

شلون تگلي مو قصدي الاذية ؟
چنت تعرُف شجاي تسَوّي بية !

• والله وگدرت تخلّيني الايّام
ماحس بضحكتك جاذبيّة ..

و طفى الشارع ضواه
و نعست كُل الدروب
و روحيّ ع الـ مامش تلوب ..
و أنة اذوب
يا بحر ؟ يا ليل ؟ يمعود ..
روحيّ بالظلمة تذوب
و العيون تبوگ حلمي
و الأزقة الغافية و كُل الدروب
يا فوانيس المحلة أشتعلي مني
هاچ دمي هاچ دمعي
هاچ كُل هذا الحنين
روحيّ بالظلمة تذوب
يا بريد ، الليل ما يرهم رسالة
خاطر گليبي يتوب ..
و أنة ع الـ مامش ألوب !

شِنـو عـذرك أذا عرفـوا بعـتنيّ ؟؟

من الاول غشّمت روحي وگلت تقوى علاقتنه
من اول زعل مر بينا شفت بعيونك الحلوة نهايتنه
شفت بعيونك دموعي وشفت محروگه صورتنه
وشفت الشجرة تابوتي الكتبنه اعليهه ذكرتنه
نسيتك والصور يم بابك تردنه
اعتذارك لا يصلح الصار ولا يگدر يرجعنه
ولا تعتذر ماافيدك
انا الما مرة هدّ ايدك
آنه الصدّگت چذبة مواعيدك
أنا الناسي مواليد امي واتذكر مواليدك
آنه الچنت اريدك تبقى دوم وياي
و آنه البعد مااريدك 💔

- مؤمل قيس .

لو ميّت وأمر بشارع مشيناه
انسى جنازتي وتتحرك أطرافي

- كاظم الگاطع

غبشة نعسانة الشوارع
ومدري يانثية بفجر دم تشتهيك
اتذكرت تاجر اعرفة
گلي من تبيع روحك مرلي بلكت اشتريك ..
وتمت الصفقة اشتراني
وگام يمليني شروطة
ما أريــد وما أريــد
وما أريــد ايدك طويلة
گتلة اگصرها واجيك
وابترتها من المتن ورجعت ابشرة
وأنذهل ! ها وين اديك
گتلة عد عينك شلتها
گلي چا شلي بيك
ومن هذاك اليوم والتاجر نسى وسد القضية
وانه منسي معلگ إعلة رفوف صبري
وحتى صار تراب بية ..