ولك عود أنــت الـ عزلتك بين هاي الناس
و رممتك و أنــة بيوت أهلي مهجومة ..

حرگت أحلامي بيدي و گتلك اتدفة
شسويلك بعد كُل هذا ما كفة ؟؟

و من گتلي تحبني شـگد ؟؟
-أحبـك اكثر من الـرجفة الـ برمشي-

تدرون تعبت حالتي النفسية
تدرون بية شبيّة لو ما تدرون
اتمنى واحد يدري آنه شبيّة
ماعندي حل والعنده حل يگلي
والدنيا ما يعجبها واحد مثلي
واليتعب من الدنيا يشرد للنوم
ومن يگعد من النوم وين يولي ؟
يا يُمة لو ما جايبتني احسنلي ..

- حسين السلطاني

هويتي وصورتك كل سفره هنه وياي
بوحده اعبر مدن و الثانية أيامي 🩵

كل أغنيّة أسمعها
تذكرني بـ حَچي عيونك

تخلص يلا أرد لواقعي المُتعب
تذكرني قبل لا أشكي، و أستغرب
و احيـَه بكلمة شلونك

حنّية گلوب الدنيا مجتمعة
أحس شايلهن لوّحدك
ي كون الدنيا بيها هواي من عندك

تخوّف دنيتي بدونك ..♥️

- احمد ابراهيم .

نطفة بنص خمر
و شوية دم خنزير
و ذنب كتلة طفل
و الــ فوگهن اخرس !
روس چلاب ميتة
و السحر و العين ..
جبتهن يم عملتك
و طلعت انگس !

مامش شوگ جاسك
گلبي ما شفته ؟
انه الادري بي كلش حنين انت .

لا تِسألني ليش تضم نزف جَرحك
انعدام الثقة يخلي المِنكسر يضحك
ولا تسأل صياحك وين عشت بذِلّ
المَحد مفتِهم حزنه كلامه يقل
وشنهو الفايدة وعظامك تمَشيك
بس افكار الـ براسَك عليك تصل .

المثلك ما يجي ببالي وتمنيتك
وتَسوة عيونك دموعي وترجيتك !
گتلك لا تبچيني الدمع يمحيك
بَس ما چني وصيتك
رخيص ومن بچيت عليك غليتك
مو بَس على المواعيد ندمان
انه ندمان
حَتى عّلى الاحلام البيها تانيتك .

شإلك بيّه ؟
وطن مهِجور
دمّ يابَس ،
حلمِ مّبيوگ
وبّصدِري كهّف متَروس
أظلم مِنفطر مسِكون
مَا أظُن نصّه تتهَنى ..

يَ الحنين
عشرتك شبسرعه خلصت
چنها بوسة خايفين ..