بواچي بـ حضرة
محد الك بال يدير ..

هذا برودك شنو ؟
عايش اللهفة چنت ويه شخص قبلي ؟
شو اني حيل اختلف
اتخيل رسالة تجي تگومني من اهلي ..

وهذا ابتعادك شنو مو گتلي ابقالك !
فرحان كلشي انتهى سويت البالك ؟؟

سولفلي ليش اتغيرت
شنهو اليغث بحچايتي ؟
وانت الوحيد الـ بالگلب
من دون اهل ولايتي ..

وداعتك واخر سطر ، باقيلي من عندك عطر لو اموت مااشتمه
مادام مو نفس الحلم لو اموت مااشتمه ..

يا ربي عِشرة والخسارة دموعي
اذّاني هذا الخالقه من ضلوعي
خجلان من نفسي تره گبال الناس
الما اعرفه يعرف بموضوعي ..

و شتريد مني بعد
غيّرت كل الچنت ما حابهن بيّة ..
گمت اضم وجهي بعد من تعبر بنية
خاب اني طيّب گلب متلوگلي الحسرة
ومن درت وجهك رحت اكفرت بالعِشرة

من گالتلي انت ابني ووحيدي بهالكون
والمستعده اوگف بسلمه وحربه
( بهاللحظة حسيت اهلي مثل الغربه )

توصيني اذا عني رحت ابقه قوي وما اسهر
تصدگ ولا عندي عقل
ضليت ادورلي دوه ينومني ساعات اكثر ..

والحچي الما ينحچي تأذيت من گلته
ويجوز اذا انتحر
بالموت اني السبب
بس الدفعني انته ..

شتخسـر لو صرت انسان شويه بگلبه حنيّة .. !

الصار منك مو شوية
من تفارگنه حچيت حچاية تكسر
دير بالك على روحك هيچ گتلي
چا درت بالك علية ..

گلت من اشوفة انقهر
متعوب ظنّي تجي
واگعد عليك ابچي
بس يا كبر فشلتي
من شفت وجهك حلو
حتى استحيت احچي

تعَال أحَچيلَي
شيَحلها !
عَيُونك مَاتحَبني الفَدوة أروَحلها .

شَايف مِن اشِتاگله ومَاگدر احچِيله؟
مِثل اليحِب الله ومَا يصَليله.

لـ هنآ وكلشي خلص
كلمن يحب روحه ..
وخليني مِثل الضوه ، ينشآف
بَس من تحن مآ تگدر تلوحه!

وين چنتي ؟
و ليش متأخرة عليّ كُل هالسنين
و ليش ما طيفچ اجة وفزز صفنتي
وين چنتي ؟
گبل تسع سنين مريتي إعلة عيني و ما وگفتي
ليش من دگ الجرس
ما صارن عيونچ فرصتي ؟
ليش ؟ يا أول درس يـُـفترض أنــتِ
ليش من كف الـُعمر هسه ظهرتي
وين چنتي ؟
وين چنتي گبل ما توصل الفضة لگذلتي
و ليش من عبرن محطاتي ركبتي
وليش فـتّحـتي من ذبلت وردّتي
والــلّٰـه لو عندي بخت..
چان لميتچ من سنين بختي
وين چنتي ؟
چان هسة دموعي ماكو
وخابصة العالم ضحكتي
وين چنتي ؟
وليش متأخرة وصلتي ..

..❕

خذاك الچان يحلم يمشي وياك
العفو هو المشى واني احلمت بيك 💔

ولو يمكن كلامي تشوف بي قسوة
دقيقه من الدقايق جنت ما تسوة ..