خل احضنك
يمكن المرة الأخيرة
البيها احضنك
ومنو اليدري
الموت يا ساعه يجي
ولو ميت هواي منك
خاف اموت بديرة غربة
خاف اموت بعيد عنك
اني ماعندي مكان
بغير حضنك
هاك روحي وخذني يمك
خاف اموت
واني مو يمك حبيبي
ارد اموت وراسي يمك ♥️

تدري من يمر على عيوني نعاس
و أنت صاحي
استغفر الله
و تدري من تنام احس بأفكاري تهدئ
چَن ملاك براسي صلى
شكثر ودي أگعد واسولفلك عليّك
أنت شمسوّي بحياتي ؟
شلون بيك !
چان الاطمئنان فكره
شلون صار ابين اديّك
احنا ما مرة انجمعنا بيوّم صدفه
شلون حافظها مشيتك!
احنا ما يوم التقينا
و بين طبگات الجفن ساكن لگيتك
تايّه و طيفك، مثل عطرك خذاني
شگالت رموشك لعيني
و هيچ ضعت بشوفة عيونك ثواني
شنو فوگ جفونك تبات الحمامة ؟
هذا عشي
و شنو فوگ عيونك الكحله تخليّ
هي حلوة بلايه كلشي
غافي و انه لهسه وي روحي اسولف
نام روحي، و انه اعد بشَعر راسك
- حتى اشوف ايامي و امشي ..

احمد ابراهيم .

المشكلة مبين على عيوني انتظارك
و فاهية الدنيا و حگ لذة سمارك ..

وكت!
هَذا الضياع يصيَر
بأكثر درب چانت "روحي تنَدلة "

بس إنتَ ما إلك شبه
كُل أربعينك چِذب ،
و الصدُك بس إنتَ ♥️.

سهيت بنظرة عيونك
و أثاري هالعيون بلاد ❤️

وداعَة عيونَك
ولا بيهُم بَشر يعرف يوّدَك
وداعَتك بَس انه احبَك ❤️.

وحگ عيونك الحلوات
من شِفتك بست حظي ♥ .

أنة اجيت من آخر سنين الطفولة لحد مشيبك
و أنة الـ أستاهل يسموني حبيبك ♥..

الــلّٰـه يدري بكُلشي عشتة وياك ما چان إعلة نزوة
و يشهد الـلّٰـه ما بخلت وياك بحچايات حلوة
چنت أسميـلك مساماتك و أعدهن شهگة شهگة
و چانت الصفنة إعلة وجهك هي صحوة وهي غفوة
وچنت بس أنــت الوحيد الـ يمة أحس ماعندي قوة
چنت گاضيها أعتذرلك حتى لو چان السبب ما يسوة
چان وياك يسوة ..

بواچي بـ حضرة
محد الك بال يدير ..

هذا برودك شنو ؟
عايش اللهفة چنت ويه شخص قبلي ؟
شو اني حيل اختلف
اتخيل رسالة تجي تگومني من اهلي ..

وهذا ابتعادك شنو مو گتلي ابقالك !
فرحان كلشي انتهى سويت البالك ؟؟

سولفلي ليش اتغيرت
شنهو اليغث بحچايتي ؟
وانت الوحيد الـ بالگلب
من دون اهل ولايتي ..

وداعتك واخر سطر ، باقيلي من عندك عطر لو اموت مااشتمه
مادام مو نفس الحلم لو اموت مااشتمه ..

يا ربي عِشرة والخسارة دموعي
اذّاني هذا الخالقه من ضلوعي
خجلان من نفسي تره گبال الناس
الما اعرفه يعرف بموضوعي ..

و شتريد مني بعد
غيّرت كل الچنت ما حابهن بيّة ..
گمت اضم وجهي بعد من تعبر بنية
خاب اني طيّب گلب متلوگلي الحسرة
ومن درت وجهك رحت اكفرت بالعِشرة

من گالتلي انت ابني ووحيدي بهالكون
والمستعده اوگف بسلمه وحربه
( بهاللحظة حسيت اهلي مثل الغربه )

توصيني اذا عني رحت ابقه قوي وما اسهر
تصدگ ولا عندي عقل
ضليت ادورلي دوه ينومني ساعات اكثر ..