كل عام وانتي العيد يمچ عيدة
اقرب الي من روحي بس بعيدة
وچي ادري كلشي بسرعه يخلص ضليت
-يحليوه احبچ حيل بس ابهيدة !

كل عيد گلبي مناطرچ ويحبچ
ماعندي كلشي وعندي كلشي بگربچ
اسود گلبها الناس بس انــتِ شلون
مو گلبچ ابيض حتى ابيض ذنبچ

العيد اجاني و شوفتچ عيدية
مناطر هلالچ وانتظر ليلية
رمضان عَدة و لمّن شفتچ حسيت
اصل الهلال بضحكة الحورية

گلبي يحبچ من گبل مو توة
من زمن ادم نشدي امچ حوى
ماشفت بعيوني البنات الحلوات
و بس شفت ظلچ گال ذيج الحلوة

وكل عيد اناطر جيتچ يكحيلة
تعبان حيلي و صوتچ يرد حيلة
مجنون ما اعرف الـ اي من الـ لا
و مو قيس بس شمالي احسچ ليلة


گلولها محسبچ صبح بت عينة
وبس بيچ رايد يكتمل نص دينة
ادري البنات تراب بس تختلفين
-سبحانه ربي الخالقچ من طينة ♥♥.

حتى صيامي يفرق عن الاسلام
-أشوفك عيد قبل العيد و افطر ،🖤

جمالك مختلف بي روح
أبد ما چان تقليدي

يجي العيد و تهَني الناس
و انه بشوفتك عيدي

تمر ايام، وترخص كل هداياهم
و انه من اخر لقاء وياك، للحظة!
- لازم وردتك بيدي ..🤍

والــلّٰـه زَحمة
تذَكر ببالَك سوالِف
تترِس عيونَك دَمعتَك
تركض تعوف اصدقائَك
حَتى ترتاح بغرفتَك
تبقى تبچي
هواي تبچي
تحاوِل تگوم إعلـة حيلَك
نوب تحتار بوگفتَك..

لا تدليـهم بگلبك گول ضاع !
گِلهم أُمنية و تبخر
ما أضنّ ينلگـي بگاع
گِلهم أنة بلا شِراع
حـَتى إذا گالوا حـُضن
گِلهم وداع ..
كُلشي گِلهم
ياهو يسوى دموع عينّك
و ياهو يستاهل نـَشد
و تگِلة ويــنك؟
ليش تعثر
مـرة ضـُمّ روحك بروحك
مرة چـذّب ناسك
و صـَدگّ جروحك ..

گاعد بصَفي
ويعددلي اليّحبهم
وآنا ساكِت هَسة أگول
يصيح إسمي
الفَشلة ماحاسِبني مِنهم

ما ردت لعدوّي
يعيش هيچ احساس
كسرة نفسي بالدنيا
و هَلع ما يخلص بروحي
شنو تطمني مسحة راس ؟
مثل خوفة طفل گلبي
هذا العمر تَعبني
اريد ارجع ..
ما ردت أشكي'
بس لو روحي لو دَمعي
واحد منهن الـ يطلع ..

الحزن يلتم على عيوني
ويمر كابوس من اغفة
الحزن لولاك ما اعرفة !

أنة أگدر ما أذكرك
بـَس ..
تفاصيلك ، تـَعب !!💔

البينك وبيني صعب
ينهدم بحچاية
شفت المرايه وگلت
شيصير يعني واذا متكمّل ويايه ؟؟؟
من گلت كلشي انتهى
حسيت بيّن كسر گلبي بالمراية
يالگتلي حبك ربح ، جاي اخسر هوايه !

چنت احس خانگني گلبي
كاره الدنيا و احس ما عندي غالي
و من حچت ..  اخذتني مني
چَني ما عايش حزن، واحد بدالي
شگد تحيرني، عَجيبة شلون گدرت
بكيفها ترتب أحوالي ..🤍

و گضه الواهِس على طيُوفك
بعد ماصيرلك حَارس ،
أجِيتك
وأنا كلي أخَضر
رحت مَنك وَرگ يابس.

شلك بيّة ؟
وطن مَهجور
دم يابس
حِلم مَبيوگ
وبصدري كهف متروس
بِشخوط الرحل عنَة ..
أظلم
منفطُر
مَسكون
ما أظن وسطة تِتهنة !

انه بآخر ايامي وياك مو بارد
چنت تعبان 💔

- سجاد صباح

هو هيچ المثلي ينعاف بسهوله
و ما تضم راسه بـ اديّك
عوف كل ذيچ الأغاني
الچنت بيك احلم و ادزها
چا و الاشعار الـ عليك !

- احمد ابراهيم

أنــتَ الـ ما ردت تصبر
صلف وبكُلشي رافضني
چنت حاسبني
مثل المَشكلة الصعبة
كُل تفكيرك تفضَني!

ام العيون الخضر حبابه اصير
وتحسها تدخل گلبك بنضرتها ♥️

يمك سّافرت مِن الحزن للسَكتة
وبقمة خساراتي الرِبح چان أنتَ ..🩵