الغربَة، مِن تلگه صناديگ
الرسايل فارغَة
و مامِش جديد
تكتِب لروحَك رِسالة
فَشلة من ساعي البَريد

مرات أريــد احچيلك اليوجعني
ومرات أريــد ابچيلك وتحضنيّ
مرات اغمض وارجع لموعدنَا
من الفرح چانت دنيا ما توسعنا
مشتهي اتوسل نظرة من عيونَك
تاخذني وتسافر وبية تغني
ظلت بنفسي الزم چفوفك
والعب بأصابيعك واطوفك
مشتاگ اسولفلك واضحكك
ومحتاج افرفح يم رگبتك
وتشيل هذا الحزن عني
تذكر بموعدنَا شحچينا
ودروبنا البيهن مشينا
يومية امر بيهن وأغني
هنا سولفينَا هنا سكتنَا
وهنا تسامرنَا وگعدنا
هذا الدرب منا عبرنا
هنا ردت احضنك بس خجلنا
هنا گتلي نرجع تأخرنا
ومشينَا وكلمن گاد حزنة ..

أحبـك ♥..

ادرّي مَليت وعُرفتك!
مِن ثگل وجهك وحَچيك
مِن كثر وياي زعلك
مِن برد حتى سلامك
مِن إختفت لذه كلامك
مِن گطعَت الزاد لأجلك
وانتَ جيت بَگلب بارد گتلي
"الله يتقبل صيَامك"

سألتني كَبل حَبيت؟
كَتلها انه انحَبيت،
بس مَا حَاب صدكَيني،
ولا فد يوم صار الـ هسة صار وياي،
اول مرة اكَول لوحدة "حَبيني" .

و لا مرة حچيت بسالفة تضرك
و لا داعي عليك بغير طاري العافية بظهرك
و ما غزر ..
و ما كفنك الـ خليتهن عندك
و ما ضونـّك الـ جريتهن بليل من خد السما لخدك ..
جبتها وياي تجفى بروحك من أيدي
جبتها وياي بس ظلمة
لا گاضيك بس رمضان
ولا مستاهلك عيدي
عساك بعين ما تفهم حچي عيونك
عساك بوادم متيهين و ما يدرون شيجيسون من لونــك
عساني بكُل عِفى بدونك
عساني بسالفة تأذيك
و ما تسمعهم يواسوك حتى بكلمة شلونك .

الليله من دون البشر حنيتلك
وعگب باجر عيد واشتاگيتلك 💔.

ياما أنتضرتك بالمواعيد هلال
اعلة گدي وضاملك عيد..

ڪل عيد أريدنك تجي ويخيبن ظنوني
من الليل اكض الدرب وانطر لحد الصبح
عبالي عندك گلب مايگدر بدوني !

كل عام وانتي العيد يمچ عيدة
اقرب الي من روحي بس بعيدة
وچي ادري كلشي بسرعه يخلص ضليت
-يحليوه احبچ حيل بس ابهيدة !

كل عيد گلبي مناطرچ ويحبچ
ماعندي كلشي وعندي كلشي بگربچ
اسود گلبها الناس بس انــتِ شلون
مو گلبچ ابيض حتى ابيض ذنبچ

العيد اجاني و شوفتچ عيدية
مناطر هلالچ وانتظر ليلية
رمضان عَدة و لمّن شفتچ حسيت
اصل الهلال بضحكة الحورية

گلبي يحبچ من گبل مو توة
من زمن ادم نشدي امچ حوى
ماشفت بعيوني البنات الحلوات
و بس شفت ظلچ گال ذيج الحلوة

وكل عيد اناطر جيتچ يكحيلة
تعبان حيلي و صوتچ يرد حيلة
مجنون ما اعرف الـ اي من الـ لا
و مو قيس بس شمالي احسچ ليلة


گلولها محسبچ صبح بت عينة
وبس بيچ رايد يكتمل نص دينة
ادري البنات تراب بس تختلفين
-سبحانه ربي الخالقچ من طينة ♥♥.

حتى صيامي يفرق عن الاسلام
-أشوفك عيد قبل العيد و افطر ،🖤

جمالك مختلف بي روح
أبد ما چان تقليدي

يجي العيد و تهَني الناس
و انه بشوفتك عيدي

تمر ايام، وترخص كل هداياهم
و انه من اخر لقاء وياك، للحظة!
- لازم وردتك بيدي ..🤍

والــلّٰـه زَحمة
تذَكر ببالَك سوالِف
تترِس عيونَك دَمعتَك
تركض تعوف اصدقائَك
حَتى ترتاح بغرفتَك
تبقى تبچي
هواي تبچي
تحاوِل تگوم إعلـة حيلَك
نوب تحتار بوگفتَك..

لا تدليـهم بگلبك گول ضاع !
گِلهم أُمنية و تبخر
ما أضنّ ينلگـي بگاع
گِلهم أنة بلا شِراع
حـَتى إذا گالوا حـُضن
گِلهم وداع ..
كُلشي گِلهم
ياهو يسوى دموع عينّك
و ياهو يستاهل نـَشد
و تگِلة ويــنك؟
ليش تعثر
مـرة ضـُمّ روحك بروحك
مرة چـذّب ناسك
و صـَدگّ جروحك ..

گاعد بصَفي
ويعددلي اليّحبهم
وآنا ساكِت هَسة أگول
يصيح إسمي
الفَشلة ماحاسِبني مِنهم

ما ردت لعدوّي
يعيش هيچ احساس
كسرة نفسي بالدنيا
و هَلع ما يخلص بروحي
شنو تطمني مسحة راس ؟
مثل خوفة طفل گلبي
هذا العمر تَعبني
اريد ارجع ..
ما ردت أشكي'
بس لو روحي لو دَمعي
واحد منهن الـ يطلع ..

الحزن يلتم على عيوني
ويمر كابوس من اغفة
الحزن لولاك ما اعرفة !

أنة أگدر ما أذكرك
بـَس ..
تفاصيلك ، تـَعب !!💔