بس هسه أنه تغيرت
مو ذاك الـ يحبك گبل
لو يوم مااشوفك چنت
افرش فراش من العصر
بس حتى بيك أتحلم
و من ألزم الصورة چنت
مَ ألحگ اصفن بيها أبد
مخلصها بس بيها أشتم ..

هسة أنــتَ بررلي الچذب
مو تبتعد فَترة وترد
وتگِلي والله اشِتاگيت
حتىٰ الجگاير تعترف
لمن تضر "مكتوب جوه الباكيِت"

هَسة اني بّلة متت
وتناوشاني الگبر
وإنَدفن كُل عمري
غير إنتَ گتلي قبل
مالك گبر لو متت
حافرلك بصدري؟

وكت خلاني
وجهك گوة اباوعلة
هذا الـ چنت ارسمة
و چنت راسملة ..

فيمالاه من بشر
ما زعلك مرة
كُل ما يغثك مطر
يوگف الك شجرة
و بـ أول دعائه چنت
لمن يطب حضرة
فيمالاه من بشر
ما تعَب عيونك
تلگه بلهفتة حـُضن
مِن يكتب شلونك ..

خاف أموت وأني
ما شبعان مِنك
خل أحضنك !
يّمكن المَره الأخيرة
البيها أحضنك
ومنو اليدري الموت
ياساعة يجي
ولو ميت هواي منك

هيَّ كلمة …
كلمة بيها الحرب تخلص
( گلي احبّك ! ) 💙

چذب لو شوگ ينتابة
فراغ بداخلة و جابة ..

أني أحبك فدوة
لتخليني أتاني
شطالب أني؟
هي بس بوُسه وأحضنك
وأبد لتشيل همهن
مستعد أحمل ذنبهن
وعادي أدخل جهنم
وأخذ بالجنة مكاني .

أنة خايف منك و خايف عليك
خاف أگلك روح
و تفهمني غلط
دورتلك حل وسط حتى أستراح
و ما لگيت لروحيّ گبلك حل وسط
يا نقاط تريد أحطها إعلة الحروف
وهي نص حروفنا بلاية نقط ..

راجع ألمن شجرتك مرها الخريف
گمت اگُلك لا هلا بجيتك
تعال !
فاهي خصرك و أنــتَ كل نور الـلّٰـه بيك
بوكت كل رمضان اشوفنك هِلال
تذوب حقك ، بس هضيمة بچف غريب ..
تلوگلك
من حقك ، تحب الدلال
صوتك يخدر الهوى ، و يسكر عليك
بِلا خمر بس گلبي شافك
وحدة مال ..
عمر المعاتب ولا رجع حبيب
بس تعال
و خلـ ينقدونة الجهال ..

و اعرف اذا انخبص راح استقر يمك 🤍

حاول تتقربلي شوية
أفتح أي موضوع يعجبّك
و أترُك كُل الباقي علية
حاول تسأل عن أخباريِ
حاول تدري اليوم شبية
شاركني بـ فد شيّ من ذوقك !
دز أي جـُملة تعجبك ألية
دز نكـُتة صغيرة تضحكنا
او مقطع من أيّ اغنية
نسمعها أنــي وياك و نبقى
نتسامر بيّها الليـلية ..
حاول تتقربلي شوية
و راح تشوف الـ بينيّ و بينك
يقوى و يتطور يومية
و راح تشوف القاسي البارد
يتحول كـُتلة حنيّة
أنـة أكثر واحد بالعالم
محتاج الحـُب و الحنيّة
غِثني بكلمة !
و خلـ نتعارك
و بحجة واحد يتعذر
أبقى أحچيلك ع الـ صاير بيّة
صارن چم حَل عندك هسة ؟
لو تحسبهن فوگ الـ مية
حاول جـَربلك بس واحد
و أترُك كُل الباقي علية ♥ .

بزحمة الناس
أسمع انفاسك وافز
بس مدري وينك !
الله يخلق اربعين من الشبه
وين اربعينك ؟

عادتك تتهمني
بـ الـ مابية ليش ؟؟
و أنة ع الـ من الــلّٰـه
و عيونك ، أعيش ..
تگلي ناسي ! زين ..
و كِل هذا الوجع والشيب
بيمن ؟
ليش هو الـ يفتح عيونة إعلة وجهك
برأيك يسدهن عليمن ؟؟

مَشلول و كِل هَمي اوصَلكَ
و السِچه مٌشتعله جمر
و أنه وَرق عِكازتي
و لَمن وِصلتكَ
هَلهلت مو فَرح
ثاريكَ ويه غَيري
طلعت مِتراهن اعله جِنازتي .

وأنه ياهو الـ ماعرفني شگد أحبك 🤍 ؟

♥♥ ..

أمس خليتهن مرسال يم مرسال
و عاينت لـ ردودك ..
ما أستاهلهن !