من وعيت وانه ضايع
ماكو عنوان اعتنيله
ولا اكو واحد دگلي صدره
وگلي ذب حملك واشيله
بيه حزن الناس كله
وعيني بالدمعة بخيلة
وهمي ما سولفته لأحد
خاف يحسبني اشتكيله ..

چان مَمكن
تنِتبه عينَك عَليّة
لو شِفت تَغيير بيّة
ولو زعَلت وياك يوم
وگلبي شاغ وضاع وِده
چان ممكِن گلبي يتقشمر بـ وردة .

غسلي وجهچ
گومي مشطي
انتي حلوه و مو حلو اعليج القهر
عايش ايامي بمزاجچ
من تضحكين اضحك اني
و وكت حزنج انكسر
چنت احس بروحي حايط
ومن اجيتي انتي لحياتي
گمت احس نفسي بشر ♥️

سلام الـلّٰـه إعلة كُل شجرة گعدنا بصفها غنينا
و سلام الـلّٰـه ..
إعلة صوتة
و ريحتة
و عينة ..

مِن عِفتَك رضَت كُل الخلگ عَني
و رضيّت آنة و بِچة گَلبي . .

الگلكم عليَة قصرت
ما حاچي مالاتَة
ولله إصيَرن نبي
من يحجي زلاتَة
وتخيلوا شكد صلف
چنة حكومة قبّل
يعدمني والمشَگلة
يرجع يداعي هَلي
بفلوس طلقاتَة؟

أنــتَ لو غلطة بحياتي
هم اعيدك
ادري أستاهل الـ أحسن
بس اريدك ..

- محمد قصي

لا ترجَع
بَعد مابيه حَيل اسهر ،
انت انسان الله انطاه وما قدَر

هو الوجع بالعقل وشيمسح الماضي ؟
وياك أحس منكسر
مثل اليطردوا هله گاعد وصافن شهر
مالام أغراضي 💔

تفز ومغورگه عيونك
ومن كثر البچي والخوف
اهلك ما يعرفونك
ولا ترمش
ولا جرّة نفس تنشاف
عدل لكن على الموته يحسبونك ..

ضُم جَرحك ترة يملوك لَمِن تِشكْي يوميه
لِذالك مِن يسألوني اكول بخير مآبيه
شويه هموم عاديه
حُركه بكَلبي واٌلتفكير
شويه خنگه بالريه ..

يلِي غروُك بضواهَم
مِاخذت عبرةٌ مِن أمَس !
مَادريت بكُلشي يلمِع
ينطَفي بجيةٌ الشمِس
ليشِ غروُك بثمَن جداً بخِس !
زُحل لابسِ حلقَة عُمرة
ومِاحضى بزفَة وعِرس ..

أتمنى نِرجع سوه
روتينَي صايَر مُمل
صَدكني مو بَس ألَك
حَنيت لأزعاجَك ،
كَتلك أرجعلَي قَبل
وجانَت بنبرَة طَلب
بَس هَسه لا تَختَلف
مَعناها مَحتاجَك ..

مِن أَجي يَمك وأَرِد بِالليل للبيت ،
هَلي والـ يَم هَلي يشِمون بية ♥️

لابو المستحى الـ خلاني محروم
مبارك مستحي شحطيت بالجيب ؟؟
شنهي مستحي و ما ضايگ شِفاك
بـعلي منا و هيچ أنعل ابو العيب 🔥 .

سامحني لان عندي جفن طماع
شگگ صورتك گد ما حلم بيها

ممكن تصبح علّي
من تفتح عيونك ؟
إكتبلي كلمة ولو
"مشتاگ ، وشلونك"
لو حرف منك وصل
مرتاح كل يومي أضل
وقيس الفرح لو گلت
ماعيش من دونك ♥️

يَجي يوم وهيچ نتلاگة بمكان ؟
وكون نتماشى بطبع
ثنينة ندخن سوه جگارة وحدة
وكون من حلگ لحلگ
وعلى الگطف رسمات شفتچ تنطبع 💋🚬