حـُضن🤍🤍 ..

متعبني البصدري دخيلة
وانه أشكي منه ، واشتكيله
حاولت اضم حنيتي بس وين ؟
شيب امهات تضمه شيلة !!

- سجاد سالم

والتهينــا
نروف بجروح الـ نحبهم
واحنا سيل دموعنا يغرگ وطن .

ما هملتك من خنتني
چنت ماليك أهتمام ..

قصتك عيشتني اشياء
متوقعت يوم تصير  !!
تنام أنــتَ و أضل سهران
و أگضي الليل بس تفكير
اخاف اغفى و شخص گبلي
الصـُبح من تگعد يگِلك " صباح الخير "
هاي الشغلة أذتني
صورة وبيها نضحك ، ليش بچتني ؟؟
و صدمتني نهايتنا ..
الغلط چان بعلاقتنا ، علاقتنا
چنت ع البــُعد ما أگدر
و أسد عينك اذا لقطة فراگ تصير گدامك
أخافن بيها تتأثر
بعت الدنيا حتى أشريك
و ما أذيت يوم انسان
اخاف الذنب يطلع بيك ..

-محمد قـصي .

الكتبناهن سوية
ببالي مطبوعات
وكت ما انتَ
چنت مشگگ
الدفتر ..

مَعزول مو مِنعزل
مجبور مو رايد
عايّش بحالة هَلع
يقلقني مو بَس بَشر
لا أي حرف زايد
مليت ودي أهج
لا حاضي انه بحاضري
و لا مفتهم أمسي
خسران مو منسحب
بس بأختيار العقل
لَمّن خسرت البَشر
- يلا أربحت نَفسي ..

حبيتك انه بكثر
ما ظلمة چان العُمر
و الفرح ما شفته
و گد ما احسك سَند
تاخذني من كل حِزن
و من كل قهر عِشته
سَبعة العجايب لَچن
- ثامن عَجيبة أنتَ ..🤍

تخطيت الظروف المنهن أشكيلك
وحبك ما تخطيتة
ماجاي أنسى مو حُباً
ولا مشتاك
ماجاي أنسى حُبنا
بسبب قُدسيتة ..
لوما نيتي بيضة وياك
چا هسة انه يم غيرك
مثل ما انتَ رحت لغيري حبيته
من أول يوم لآخر يوم
مباوع بَس على عيونك!

خَلصت النَهار بخير
بَس الليل شيخَلصه!
مِن يبدي هِدوء النَاس
تِبدي بداخلي الخَبصة

لا تسَولفلي
على حزنك
انه أفهمَك
ومَاعليك
من المسَافة
وحتىٰ لو
نحچي
برسَايل
" انه يَمك ♥ "

عيونك الضحكن لغيري
بعد ما اراويهن وجهي
ولا اجي گبالك يتيم
حاسبك فوگ من اهلنا
ماردتني ؟
الله كريم ..

غنايم ماجبت وياي
ممصدگ گضت حربي
رجعت مصوب ومتعوب
مو بـَسہ واهسي المكسور
خلگي وخاطري وگلبي !

كُلشي يمي يگُلي عافك
وانهَ بـالـ كُلشي اريدك
چنت احني ايدي وافك بيها بريدك
وانتً تستحسف تسلم !
احسبني عآد من الجنايز
ومن افوت ارفعلي إِيدك ..

و أشتهيت ، ألگاك صدفة ومـامش أحد
چـا گلتلك ..
چـا نثرت بحـُضنك سنيني إعله كيف
وگمت أشم بيـك إعله كيف
وچـا بچيت وغمضيت ، وفرفحتلك .. ♥