مِن تنعزل عنهُم لأن
مَا تعرُف أحِساسك شنو
لا ضايج ولا فرحَان
محَد مزَعلك بالبشر
چا ليش گلبك زَعلان ؟
يردون مِنك أجوبه
متغيّر؟ و مُهمل صِرت؟
بَس بالأخير انتَ انسان
تحتاج رُوحك تبتعد
كل مَا كُبر حَجم الحَرگ
يسَافر بعيد الدُخان .

هواي متعوّد عليك
لا تطوّل زَعلتك 'روحي خطيّه

تدري كل ما تختفي عيونك بضحكه'
يختفي كل حزن بيّه ..♥️

- احمد ابراهيم

أنة متعود عليك هوايّ
يا سـِولة سكتي ♥..

حَبيتك الحُب الچنت اتمنى
يحبوني اهلي من عنده

و رغم قلة صلاتي من افكر بيك
بـ أسمك تنتهي الـ سَجده

يا قَبل الهوى و بَعده

غيرك رادوا و حاولوا ناس شگد
ما يدرون انه بلا راي يَـمعوّد
- گلبي بكيف اديّك تفتحه و تسده ..

ما چنت أدري هـيچ الشوگ كتال !
دخيلك حاول تدبر طريقة
الصور و الصوت گاموا ما يفيدون
ولك محتاج أشوفك بالحقيقة !

أنة وياك لا غالب ولا مغلوب
أنجرحنا ثنينا ..
و أنتهت سد بـ سد 💔

من شفت نفسي بـ المراية بچيت
غمضت عيني و كسرت مرايتي ..
وهسه أنــي بـ راحتي ما أريــد أعيش
ع الأقل..
خلوني أموت بـ راحتي .. 💔

ولو زعلت وياك يوم
و گلبي شاغ
و ضاع وِدة ..
چان مـُمكن گلبي يتقشمر
بـ وردة ..

چَنت وياك
أجيك منين ما تَبعد
‏و أبد ما راهُم إنتَ وياي
‏تُربة بغُرفَــةة الـ مُلحد
‏نَهر تَتمشى ويَ الناسّ
‏و نخَل وياي مِن تگعُد

مو انه بسهولة الـ عَنه تتخلى
و لا يعوضني غيري و رايح تگله
ببدايتها تحس مسيطر و مرتاح
بس فَترة و تصير النومة مو سَهلة
و تعرف قيمتي، چنت انه المحليك
من تنمسح تخرب شوفة الكحله ..

أدري تلگالك حبيب ..
و تنسى ودي
و أدري تطويني الليالي
و أضل وحدي ..

هاي أخَر أيام السنة
ما الك نيَة تشوفنا
ما ترهم نحبَك ولك
ومشتتيَن تعوفنا
احنه مُرضى
وماكو دوه لهذه الچَرح
مُر علينا وخلي اديَك تروفنا ..

أجيت و عندي ملگة ينافس الچيلات
بس..
ردك البارد مـَوّت اللهفة ..

گال تبوسني الگلّوب طفيـه لا ننشاف
ما عايز حچي الـ نوب
گتلة الضوة طافي من أول العام
هذا الضوة بخدك مو بـ الگلّوب ♥♥🔥..

باچر دروبَك تغنّي
تِذكر البيّه تحِبهّن
تبچي وحدَك
تُبقى يَم روحَك تكابِر
باچر بحِلمَك تسّافِر
للِمواعيد الـ گضيناهن بُرود
للبَچي ودَمعاتي يَمك للوّعود
هوايه بيّه أستصغرتهِن
باچر بعينَك يكُبرن
مُن تشوف المثلي ماكو
مُن تفز حَلمان بيه
مُن تحِس باعوك ناسَك
وأنه چنِت المشتريّك .

باچر تدورنيّ باچر ..

لا أنــتَ الـ عفتني ولا رضيت أنساك
و ما مقتنع باچر يمشي مِن دوُنك
و كُلشي يهون بـَعدك ..
حتى گلبي يهون
بس وداعتك ردت أفهم شلونك ؟؟
خِلص كُل الحچي و أنساك
بس !!
شنساك ..
جيب الـ يشطب من الذاكرة عـُيونك ..

-محمد الطالقاني .

الليّله دورة سنه

ويا بخت من ظل عدل

الفرحه گد السما والگمر أجمل طفل

الناس رفّة جنح والكاس يرگص ثمل

وأنه الحزن خمْرتي ودنياي سچّة نـمل

بسكوت أذبل ورد

بيّه العطر يَبتهل

مثل الورق بـ الشمس يحترگ ما يشتعل

أنزف آلوان وضوه وجروحي من كل شكل

الجرح أرمد جفن ورماد روحي الكحل

كل هذا وأنه آبتسم

ما أنكسر مو سهل

أشعل جروحي رگص وبـ ثوب موتي أحتفل

عبد الكريم القصاب

حالفلي
هاي السنه نتشابگ إمن الگلب
والليله ليلتنه
جايب ربابه وبدو
كل عام وانت َحلو
وتعيش ضحكتنه
والفين وسبعطش همزين ماطولت
وعيوني هل غمضت چا وين شبگتنه

#عباس_طالب

لا تسئلني ويّ هاي السنه شلونك
راحت و آنه صافن بس على اعيونك ♥️
.
.
#محمد_كريم
.
#عام_سعيد 🎄