شعندك جايني وشمخلي بأوهامك ؟
حبل طاسة الحب اطول من ايامك
ولك مو وصلتني لمرحلة اتمنيت
انه اليدفع الكرسي بلحظة اعدامك 💔

- علي ابو نؤاس

حرامات القصايد بيك !
و حرامات الـگلب يقبل لـ هـَسه بـ داخلة يخليك ..
بعدنا بـ أول الرِحلة و رضيت بـ گاع !
و خسرت الـ چان رايـد لـلـ السما يوديك ..

والافكار الجاي يجبرني عليها الليل كلّش خوّفتني .

هذا ليل وحتى المصوب يلم روحه ويهيد
وانه ظال مناطر المن
ما ينام الما عرف روحه شتريد .

- عقيل العرد

مِن تفز بالليل رد نام على چَفك
‏لا اكو واحد چَفة يرهملك مُخدة
‏ولا اكو واحد يقرة حزنَّك
نام يَـ المَتعوب وحدَّك .

الصبح يبدي بضحكتك
خاف تطلع
لا تدوس
عيوني سهرانة بعتبتك♥

- مثل ما عـ القصايد بيت بيت أتعب
- هيج اختار حچيي وياچ حتى انحب
- بـ حلاتچ وين أگو مــن الصبح هيج أوجوه
- أنه مو مُعجب ، أتعجب ،

- علي مهدي 🤍

صَعبة أگدر أمشي وَحدي
الناس شافتنا سوية
و لحظة الـ سألوني عَنّك
جَربت طَعم الـ أذية ،
چِنّة نِستّخطي الـ يحب لمِن يفارگ
يعني هـَسة احنا خطية !
كُلشي ما باقيلي مِنّك
ليش كُلك باقي بية ؟

عندك؟ إنطيني ..
الحلول العندي حتى انساك كلها أستخدمتها .

- زيد الهاجري

اكتبولنا شي من ذوقكم ♥️👇🏻

تعال امسح دموعك و أرسم افراح
على عيونك و خدك و الشفايف
و معليك بحِزن ذيچ المواضيع
راح أختارلك أحلى السوالف ♥

هذا أول ذنب باليوم أعذرونا
من فزيت هالليلة
عرفت اليحلم بوجهك
كفُر من يفتح عيونه ♥ .

ردنا نعوف كُلشي و ما گدرنا نعوف ! 🤷🏻‍♀💔

شلون ليلك ويه ولفك ؟
- روعة ليلي
بوس حار
وغرفة ظلمة نبات بيها
وما اسولف
واحد اعله الثاني فاير
أبدي اشبگ بالخصر واشهگ عطرها
ارجف وترجف عليّة وسوه نهدّي
شلون ليلي ؟
هذا ليلي ويه الجگاير ..

- رضا كاووش

من گتلي باچر اجي
ظليت اعد بالوكت
باچر بعد باچر
مرن سنة وست اشهر .. چا ما خلص باچر ؟ 💔

زماني شال مني الضحك ... وانحط
وبقيت اسحل سحل بالروح ... وانحط
مامرتاح كون انشال ... وأنحط
بگبر واسمع بچي الوادم عليه 💔

هيج وصَرت مو مهم
وعندك فراگي طلع ميَكلف أغنيَة؟

البارحه رحت المكان اشربلي راحة !
وحالي حال الورگة صاير
يمي جتي بنيه حلِوه ..
وبينها وبين الخمر ضليت حاير ؟
وانه گد ما گلبي فاير
صارت (المزه جگاير) ..
خلص ليلي وكلت اروحن
ردت اوگف مگدرت ، گالتلي اعينك ؟
وضحكت ضحكة چبيره
بگد نفاق اهل العمايم
چيف صار سنين ماسامع (الـ وينك) ..
گالت شمالك منو متعب سنينك ؟
حته مِن تبچي الدمع ميجيس خدك
ليش هيچ مگلبچه برموش عينك
اني هم متعوبه مثلك !
هاك متني وخلي ادينك
خل نروح نفر (درابين المدينه) ..
حته اگلك ذني كلهن فدوه يرحن
يم حنينك ..
واني هم انسانه مثلك !
(ماتو اهلي وضگني عوزي وبعت ديني) ،
النفسه دينك !
واشتريت " الحانه والخلخال والكاس "
اليدليني اعله طينك
وارد اگلك لا وطن يسمحلي اعيش ؟
ولا ديانه اتشيل عوزي ؟
وكافي تلچمني بونينك ! .

لـ رسول محسن .