حط عينك بعيني وابد لا تحچي انا احچيلك
شناقصني وانعاف بوكت رادوني اعوفك كل هلي ويلگوني جاي ادعيلك ..
وخليني اذكرك بالمضن !!
بميلادي كلهم صفگوا علگوا شموع وهلهلوا
وبدموعي طفيت الشمع ساعتها چنت ابچيلك ..
و هسه ادري عايفني ورحت .. بس هو شيقنعة الطفل
أيّ سلعة تلمع بالدرب حسباله هو تفيده ..
بس يلا مااعطلك بعد صاير بعيني جنازة
بالغربة من تعثر ترى اسم الله ما تلگا بعد ..
مو بس حبيب وصاحبك چنت انا الك عكازة .. 💔

- حسين صلاح .

مو كلشي بسهولة تعيش من دونه
ولا أي واحد من يروح
تگدر تستمر بعده
ابقى اشتاگ لا تهتم
ابقى اتذكر الناسيك لا تندم
بس خليها يمك سالفة تفيدك
اذا باقين مارجعوا
عدهم غيرك مكفّي
واذا مجروح ماداووك ابچي
وريّح عيونك
مرات الدمع يشفي
سوّي شما تحب بس لا تتانيهم
ترى البي شوگ يتعنى
وما يشتاگ بس العايش لوحده 💔

وافتهمتك وادري چانت غلطه مني
من ردت ع الحب اجبرك !
وهيه ابد مو منطقيه
طول عمرك
ماصرت فد يوم اليه
شبيه خايف لا اخسرك ..

شلون افهمك هذا مو اني العنيد الما يسامح ؟
الدنيا كسرتني
وتره المكسور طبعه يكون جارح
ردتك تعلمني من اجديد احبك
يـالوحيد
ورغم خذلانه وحيد
گتلك اتحملني وضعي مو تمام
يا سراب
شما اجيك تظل بعيد ..

باچر
كل تعب بيه يسافر
و ابقى بس أني و ضحكتي
باچر ارجع يم هلي و اترك غربتي
باچر احرگها صوركم
و ما اعوفلكم اثر يبقى بغرفتي ..

ما مريت صدفه ابالك اليوم ؟
ما مر موقف وذكرك بيه ؟
ما تشتاقلي ؟
ميگعدك الليل ؟
مافكرت مره تشوفني شويه ؟
معقوله نسيت ايامنه بساع ؟
معقوله المشاعر كلها جذبيه ؟!

- #معقولة ؟!

ضُمني بلا هَلا مِن الناسّ
ضُمني مِن العيُون الفاهية بدونك
عَلگنِي إعله رمشَك طيف
أحِب مگابَل عيُونك ♥️

ياهو احن مني ويحبك
آنه بس لو ينفتحلك باب گلبي
تشوف بي امك وابوك وديرتك وحروف اسمك
والعيون التنذر الشوف اعله طولك
حتى خوف الوادم الرادت تحبك
ياهو احن مني ويحبك ؟ ♥️

باچر تحبنّي
واگلك كتّلك اني ،
باچر تصيّر بمَكاني
باچر يغيبن نضُرتي
وضحِكتي ومَلگاي واني
باچر تذَكرك بيه الأغاني ..

يا ناس شكثر يغلط
ويعرف وين يلچمني
وكلش گام يتماده
واكثر شغله صدمتني
من گلولي گاطعها
شمسويتله الگلاده ؟ 💔

من هذا السواد البيه لتخاف
التجارب تخلف ابن ادم مثلها
تره اصعب خساره من الخسارات
التنسيك الخسارات القبلها ..

من أنسئل عن عشرتك ،
بله شأسولف عنها ؟
خليتني بموقف صعب
مثل اليدافع عن شخص
ويگله اطلع منها .. 💔

اي گال هينه ومشـَه ؟
هانت علَيه عشرتـي ،
بس أني مو هــَين
لوَ مو احبه و علي
اتـرس مچانه حصو
ولا فارغ يبيّن ..

ڪلشي منك
عيوني من مآتغفه منك
ليلي من مآيڪضي منك
من آتيه بـ شارع ومآ آدري المن
هــآي منك
من يصيحوني الـ بڪربي ومآارد لصواتهم
الصفنة منك ..
ڪلشي منك

تره آنه من كثر متولعت بيك
جن وتلبسّت بعضاي حسيت
جابولي اليطّلع يعرف الجان
غلط طلعني آنه وانته ضليت

- ميثم فالح .

الوجع اظفر شلعته ونصه ظل موجود
على غفلة ويچلّب بالغطى ويگفع
مثل مخيط جرح وبراسي ظل مفتوح
يا خيط اليطب يلچمني من يطلع
مسّاحة قلم وبـ چف طفل كسلان
وذّر لحمي ع الورقة وولا يبزع ..

- علي الحمداني .