وانه .. .
منذور اعله شنهي
وليش اذب روحي ال غريج يريد يخلص من عذابه وتدني ذرعاني اعله مايه يلوحني .. . ونغرگ سوه

وليش
اكود عيوني گوه لسوگهم وارهن دمعتي لناس ماتدري عليمن چم نبي بروحي .. .انچوه

يا خطيتي
ال ماغفت مرّه ونستني
يا سچچ روحي ال جزتني
يا سفر شوفي وغربتي وياثگل صوتي من أغني
يا حزن ياليش فك ياخة عذابك

والله ودّي ارتاح منّي !

#ضرغام_لطيف

خشبة و بظفري نمت
وصلت الشوغة لراسي
إذا تذكرني دز مرسال
إذا ناسيني ضل ناسي ..

بَشّر ما ألك جيه ؟
‏بدت تطلع تفاصيل المَرض بيه
‏علاليگ الدوه التِنشاف تهضمني
‏هلي يتانوني أصير بخير
‏وآنه متانيتك تلمني .

گاعد والمضيجات خلگي شكثرهن
تغرگ سفينه نوح لو ردت اعدهن ..

الجِگارة التنّشرب گِدام وجَهك
تُدخل التاريَخ محترگة بفّخر ..

شكلي تغير ومسلول صاير
من اليوم الرحت لليوم حاير
وخطية امي فطيره تصدگ بساع
تنشدني وآگلها من الجگاير ..

فقدت وياك اهميتي
جرس جيران صارلهم عمر عِشره
مثل هالحاله وضعيتي
انهضمت هواي
من حاسبني ع الخطار
ومعتبرك اهل بيتي ..

انه اذكر مَره كَتلي
الليل ويه غيرك ذَنب
و مَره كَتلي الليل وحشة
بعين كل واحد مُحب
و مَره گتلي
و مَره گتلي
و هواي گتلي
و طلع كل حچيك جذب…

مابية حيل من الجديد اني ابدي
شو هي هيچ وحظي واگف ضدي
گمت انعرف مو بالشكل
بالظلمة تعرفني البشر تلزمني ناگع خدي
عايفني هيچ بلا سبب
احچيلمن من اختنگ ؟!
بس انت تفهمني چنت لمن اظل لوحدي ..

چانت الچذبه الوحيده
من ينشدوني واگُلهم ما يهمني
چنت گوه مغطي حزني ..

بسبب ذاك البرود البيك
علاقتنا نهيناها
مثل ما أنا ناسي الصار
أنت اتقوه وأنساها
لتدزلي رسايل حاچي بيها هواي
ماعندي خلگ أكعد وأقراها..

من ماكدر احجيلك على َاحساسي
مو قله ثقهَ مني
بس هوسه مشاعر چانت براسي
وانتَ اتخيل البيه
اذا ردت اترك الواقع
اروحَ اختل وره اغنيهَ ..

عاندت روحي وگلت دام العلاقة انتهت
مو شجرة اني واظل ثابت بنفس الدرب
هم لازم اتغير
نظمت وقتي وگمت بالليل ما اسهر
خليت يمي بشر عدهم طموح وحلم لمن دريت الشخص باليمه يتأثر
ومااگلك اتغيرت
بس بالنهاية صرت امشي بشوارع قبل فتناها .. جاي اگدر
كارهني ؟ عادي .. المهم حبيت روحي اكثر

شسولف والعمر ماجاي سد بسد
دنيا وطشرتني أبين جزر ومد
نذرت شگد دعيت شگد
چم طارش ادز لله
وأتاني ومايجيني الرد ..

لا سرك مثل يُوسف
واشمرة بّبير
ولا أگدر اضم
اليحترگ بية
حُبك وين تاليّـة ؟ ..

فجأة جَرد روحة مني
وعادي عايفني بحسرتي
الچان مايطوي الرسايل
حتى لايكسر كلمتي 💔

مَو حُباً مَن أنعزل
شارَد مَن ﭑلواقع
و بالغُرفه گاعِد أضَل
بَس روحيّ بالشارع ..

يا غلط بالغلط صار
جاي اشوفك ويه غيري وما اغار
جاي افوت لمنطقتكم
واطلع وماشوف بيتك
اني متندم لان فديوم اجيتك
عاشت ايدك كرهتني هواي بيك
ولان گايلي ابچي بس لـ شغلة تسوه
ماگدرت ابچي عليك ..

رغم كُل هاي المعارف
جاي أحس بـ روحي محد
آنه ياهو ؟
وآنه وين ؟
وهالسنين منين اجتني ؟
وياهو حط ثگل السمه كُله اعله متني ؟