(الأمام الحسين (ع) يخاطب السهم الذي أصاب نحر عبد الله الرضيع (ع) :

أي عاذرك ،، لا والد ولا عطشان
او لا ضايگـ اللذه الـ بزر الگعده ..
أي عاذرك ،، خلصت عمرك مدفوع
مالك اويه الكاروك روحه او رده ..
هوّ الگماط الينگطع ،، شده ايهون
بس النفس من ينگطع شيشده ؟!!
تندل نحر عبد الله ماضاع اعليك
السوگـ يندل وگفة الماعنده ..
مرات اصيحه (الغالي) مره (العطشان)
ويحومره الدم و اصيحه (الورده) ..
صار ولگه الكرار طبره وتابوت
عاش اليتم بآول احچايه ابمهده ..
وياك (ابو) موجود ،، بس المعروف
ابن الولاد ،، اتصير روحه ابجده ..
خلصّو وين اليستحون من الطين
و ضلّو الما بيهم ع الدم هده ..
ياناس دم اوليدي هذا العل گاع
گالو حلاة الخير من يتبده ..

- علي حسن علوان

(الامام الحسين يخاطب ولدهُ الرضيع "ع")

كل گطرة دم طاحت منك ..
طگت ورده
ياابهر گلبي اعله الگاع


"وانت اصغر من حروف اسمك"
واندلنك ..
السهم عيونه شگد وساع !


وضل بنحرك چي بي ريحه ..
حرمله اول مره
يشم سهمه النعناع

تحاچيك امك ..
خليها تحبك من عدهن
ما متعوده تغمضهن من دون وداع

ولتخاف الليله امي تگمطك
وداحي الباب يهز كاروكك
وجدي يبوس ايدك كلساع 💔

- سجاد الحلفي

كون الطف حلم والبيتنا نعود
نفرش زادنه وعباس موجود
وافتر فوكهم مثل الحمامه
ويوزع ماي عبدالله العمامه
وجاسم يرجع البيت جادود
كون الطف حلم والبيتنا نعود 💔

من تصادفني اغنية تحبهه
أتخيل آنه الكاتبهه
رَمشات عيونك حاسبهه
و حاسب ضحكاتك بـ الدفتر
شگد گالو من تكبر تنسى
و ما جاي أنسى !!
بس جاي أكبر !!

- زين كريم

يا ناس شكثر يغلط
و يعرف وين يلچمني
و كلش گام يتماده
و أكثر شغله صدمتني
من گالولي گاطعها
شمسويتله الگلاده ؟

وانه .. .
منذور اعله شنهي
وليش اذب روحي ال غريج يريد يخلص من عذابه وتدني ذرعاني اعله مايه يلوحني .. . ونغرگ سوه

وليش
اكود عيوني گوه لسوگهم وارهن دمعتي لناس ماتدري عليمن چم نبي بروحي .. .انچوه

يا خطيتي
ال ماغفت مرّه ونستني
يا سچچ روحي ال جزتني
يا سفر شوفي وغربتي وياثگل صوتي من أغني
يا حزن ياليش فك ياخة عذابك

والله ودّي ارتاح منّي !

#ضرغام_لطيف

خشبة و بظفري نمت
وصلت الشوغة لراسي
إذا تذكرني دز مرسال
إذا ناسيني ضل ناسي ..

بَشّر ما ألك جيه ؟
‏بدت تطلع تفاصيل المَرض بيه
‏علاليگ الدوه التِنشاف تهضمني
‏هلي يتانوني أصير بخير
‏وآنه متانيتك تلمني .

گاعد والمضيجات خلگي شكثرهن
تغرگ سفينه نوح لو ردت اعدهن ..

الجِگارة التنّشرب گِدام وجَهك
تُدخل التاريَخ محترگة بفّخر ..

شكلي تغير ومسلول صاير
من اليوم الرحت لليوم حاير
وخطية امي فطيره تصدگ بساع
تنشدني وآگلها من الجگاير ..

فقدت وياك اهميتي
جرس جيران صارلهم عمر عِشره
مثل هالحاله وضعيتي
انهضمت هواي
من حاسبني ع الخطار
ومعتبرك اهل بيتي ..

انه اذكر مَره كَتلي
الليل ويه غيرك ذَنب
و مَره كَتلي الليل وحشة
بعين كل واحد مُحب
و مَره گتلي
و مَره گتلي
و هواي گتلي
و طلع كل حچيك جذب…

مابية حيل من الجديد اني ابدي
شو هي هيچ وحظي واگف ضدي
گمت انعرف مو بالشكل
بالظلمة تعرفني البشر تلزمني ناگع خدي
عايفني هيچ بلا سبب
احچيلمن من اختنگ ؟!
بس انت تفهمني چنت لمن اظل لوحدي ..

چانت الچذبه الوحيده
من ينشدوني واگُلهم ما يهمني
چنت گوه مغطي حزني ..

بسبب ذاك البرود البيك
علاقتنا نهيناها
مثل ما أنا ناسي الصار
أنت اتقوه وأنساها
لتدزلي رسايل حاچي بيها هواي
ماعندي خلگ أكعد وأقراها..

من ماكدر احجيلك على َاحساسي
مو قله ثقهَ مني
بس هوسه مشاعر چانت براسي
وانتَ اتخيل البيه
اذا ردت اترك الواقع
اروحَ اختل وره اغنيهَ ..