منو مثلي تغثه و يرجَع يحبَك،
منو بعزّ حزنه يضحَكلَك ؟

وحگ ذني الاجني اركاض وثغيب
ألف مرة من اموت عليك مااطيب
بعد كافل منين لـ زينب نجيب ؟

بصينية القاسم ماكو ضِل عريس
وبراس الخيم مو حلقة نار دور

الشمع صبت دموعة بلون نية حسين
والياس انحنى وعكازتة الكافور

اشـ اهلهل ترس راسي صياح للـ ميمون
النهر كاشخ عطش وگلاتة الناعور 💔

لشاعرها 🌸

الشط يصيح دخيلك
موش وياهم يالـ عباس ..

بعد عيني ابو فاضل عينك شبيها ؟
دمع ؟ لو بس سهم ؟ لو شنو العاميها ؟
واذا شوفك نقص فدوه الك شوفي يروح
بس خوفي المواقف تنجرح بيها 💔

اتمنى لو مخلوق گطرة ماي دايرني بجربتك
ولا جاي للدنيا وهواها لريتي طاب

"ياملذته العمر من چفوفك لحضن التراب"


- سجاد الحلفي

خطاب العقيله للأمام العباس "عليهما السلام"

رايح وين چا وانه ؟
الورد البروحي بعدك تبهت الوانه
يَ كون الموت لافيني
ولا يوصل خبر مگطوعه ذرعانه

- سجاد الحلفي

حديث العقيله لرمله "عليهما السلام"

داوي عيونچ
اخر مره خيه وسامري علومه
يرد باچر
شهيد ودم على هدومه
"الليله حنته وباچر يشيعونه"
وباچر يگضي يومچ رمله من دونه
وبصينيته يبچي الياس
وتخرب كشخته ولونه
وتطفى الدنيه بعيونچ ..
من يغمضهن عيونه

- سجاد الحلفي

(الأمام الحسين (ع) يخاطب السهم الذي أصاب نحر عبد الله الرضيع (ع) :

أي عاذرك ،، لا والد ولا عطشان
او لا ضايگـ اللذه الـ بزر الگعده ..
أي عاذرك ،، خلصت عمرك مدفوع
مالك اويه الكاروك روحه او رده ..
هوّ الگماط الينگطع ،، شده ايهون
بس النفس من ينگطع شيشده ؟!!
تندل نحر عبد الله ماضاع اعليك
السوگـ يندل وگفة الماعنده ..
مرات اصيحه (الغالي) مره (العطشان)
ويحومره الدم و اصيحه (الورده) ..
صار ولگه الكرار طبره وتابوت
عاش اليتم بآول احچايه ابمهده ..
وياك (ابو) موجود ،، بس المعروف
ابن الولاد ،، اتصير روحه ابجده ..
خلصّو وين اليستحون من الطين
و ضلّو الما بيهم ع الدم هده ..
ياناس دم اوليدي هذا العل گاع
گالو حلاة الخير من يتبده ..

- علي حسن علوان

(الامام الحسين يخاطب ولدهُ الرضيع "ع")

كل گطرة دم طاحت منك ..
طگت ورده
ياابهر گلبي اعله الگاع


"وانت اصغر من حروف اسمك"
واندلنك ..
السهم عيونه شگد وساع !


وضل بنحرك چي بي ريحه ..
حرمله اول مره
يشم سهمه النعناع

تحاچيك امك ..
خليها تحبك من عدهن
ما متعوده تغمضهن من دون وداع

ولتخاف الليله امي تگمطك
وداحي الباب يهز كاروكك
وجدي يبوس ايدك كلساع 💔

- سجاد الحلفي

كون الطف حلم والبيتنا نعود
نفرش زادنه وعباس موجود
وافتر فوكهم مثل الحمامه
ويوزع ماي عبدالله العمامه
وجاسم يرجع البيت جادود
كون الطف حلم والبيتنا نعود 💔

من تصادفني اغنية تحبهه
أتخيل آنه الكاتبهه
رَمشات عيونك حاسبهه
و حاسب ضحكاتك بـ الدفتر
شگد گالو من تكبر تنسى
و ما جاي أنسى !!
بس جاي أكبر !!

- زين كريم

يا ناس شكثر يغلط
و يعرف وين يلچمني
و كلش گام يتماده
و أكثر شغله صدمتني
من گالولي گاطعها
شمسويتله الگلاده ؟