يا حبيبي .
هواي حَبيت الأغاني البيها
چلمات العشگ تاخذني لاسمَك
يا حبيبي .
منين مادير العُمر الگاني أحبك ♥️

لا تحَبونا لِشكلنا
ركِزوا بينا
عِدنا أرواح أطفال
تلعَب بدروب المَدينة
ركِزوا بينا
مِن گلوبنا نسولِف
والحَمام يحط علينا

ساعَتها تعُرف صِدك من أيدك شضيَعت
بَس وين تندلة !
المَثلي ما ينسي ولا تگدر تبدلة .

__

هـَلا يا سالفة

انا ارد أفھم!!
ليش الگمر يرحل
ليش ينقص
ليش يگمل
ليش بس حس بنچمته تحبه
ظل يضحگ عليھا يموت مره ومره يعدل
أمنيتي أفھم !!
حتى افهم البيه يسأل

منو مثلي تغثه و يرجَع يحبَك،
منو بعزّ حزنه يضحَكلَك ؟

وحگ ذني الاجني اركاض وثغيب
ألف مرة من اموت عليك مااطيب
بعد كافل منين لـ زينب نجيب ؟

بصينية القاسم ماكو ضِل عريس
وبراس الخيم مو حلقة نار دور

الشمع صبت دموعة بلون نية حسين
والياس انحنى وعكازتة الكافور

اشـ اهلهل ترس راسي صياح للـ ميمون
النهر كاشخ عطش وگلاتة الناعور 💔

لشاعرها 🌸

الشط يصيح دخيلك
موش وياهم يالـ عباس ..

بعد عيني ابو فاضل عينك شبيها ؟
دمع ؟ لو بس سهم ؟ لو شنو العاميها ؟
واذا شوفك نقص فدوه الك شوفي يروح
بس خوفي المواقف تنجرح بيها 💔

اتمنى لو مخلوق گطرة ماي دايرني بجربتك
ولا جاي للدنيا وهواها لريتي طاب

"ياملذته العمر من چفوفك لحضن التراب"


- سجاد الحلفي

خطاب العقيله للأمام العباس "عليهما السلام"

رايح وين چا وانه ؟
الورد البروحي بعدك تبهت الوانه
يَ كون الموت لافيني
ولا يوصل خبر مگطوعه ذرعانه

- سجاد الحلفي

حديث العقيله لرمله "عليهما السلام"

داوي عيونچ
اخر مره خيه وسامري علومه
يرد باچر
شهيد ودم على هدومه
"الليله حنته وباچر يشيعونه"
وباچر يگضي يومچ رمله من دونه
وبصينيته يبچي الياس
وتخرب كشخته ولونه
وتطفى الدنيه بعيونچ ..
من يغمضهن عيونه

- سجاد الحلفي