بچاني
و آنه إلي چنت
ما أقبل أتمشى بمُطر
ويصير ميّ بخدي
گد ما شفت منك حزن
منا لحد يوم الدفن
راح ابقى عايش وحدي
لو عندي حظ چا مارحت
بس آنه حظ ماعندي ..

- مهند العزاوي

ارتاح فترة ردت
وما فاد حتى البُعد وياك جربته
اتمنيته يطلع ملل مو حب خلص وكته
واتمنى تفهمني
باقين هسه سوة مو حب
عطف مني ..

حسين السعيدي

لا تفارگني وتكابر
اني حاير
وحته ابينلك حسرتي
اني مدمن بس عليك وع الجگاير
القسمه ما خلتني يمك
والمسافه بلا ضمير
خل نعوف الفرگه كافي
ونلتقي بعيد الچبير ..

- علي زيد

رايد يفارگني الـ چنت
مِن كُثر ما راكض وراه
مفروگه اصابع جدمي !
تكبرون احسكُم بس علي
انت وجروحي
وهدمي .

- احمد الصالحي

خايفين جنازة تبقى أعله الطريق
ولا عرف يعبر علينه
ولا رسايل بالچذب تذكر بچينه
خايفين نظل محطة وكلشي سفرة
وأحنه نبقى بلا وداع
ولا وجوه تشوفنه وتزعل علينه ..

بالله انا هسه بيا وجه
زلمه شكبرني شگدي
اعله صورّك مفرفح بچي
وبيه الجهال تهدّي

- صباح الطائي

فاهية الدنيا بعيوني
كلشي مابي طعم صاير

- عصام كريم