لو باقي صديقي ولا هالفراگ
ولا يومية هيچ احترگ واشتاگ
عاد اعله الاقل گدام عيني
مو من غيرك اخبارك تجيني 💔

- سيف الغزالي .

تجي تاخذ صورك لو اعلكهن
انا ماعندي جف بي خير ويشكهن

هاي أذني اذا غثك بعد
رديت نادم للصور
لزكت المشككهن

راجعت نفسك گبل لا ترفضني ؟
ما فكرت لو رحت شيعوضني ؟
حتى القدر وياك ما يلعب دور
من يمك تصحيني وتمرضني
الكاتبه الله يصير بس مو وياك
احچايه عن الكاتبه الله تكضني
لك حتى من اريد اتشاهد تعارضني
وتعرفني ما ازعل حفظ حافظني 💔

- حسين السلطاني .

يشربني التعب والقلق والحرمان
بس ما اموت !
ما زال الفرح للناس ياخذني عَ باجر دين
والكهَ الجامع بنية
انا الروحه جنوبية
وحبيبتة كلبهَ فختاية جميلة بلون اغانية
وانا هاي المدن كلها
من اموت يموت كلشي وياي
صوت امي
وحنين الطين
والفقرة
العمر كلهَ بلياليهَ
انا مجنون ، ياروحي الوتر لامس ضميري
وغنتهَ جروحي .

واصل ولك مرحلة
عفت اهلي وانه بحرب
يتحسرون الخبر
واكتب و اوديلك ..

- باقر قاسم .

كلش حلوه بس ما اعرف شگد
من ضحكة عيونچ گلبي يبرد
و من شامة رگبتچ و الكحل ذاك
احب الليل چي من لونها اسوّد ،♥️

- احمد ابراهيم .

المزج المفضّل ،عيشوا ويايه بيه🖤

مو مالت زعل بس انته ردت تروح
موچّد غير ناس وعندك الظنه
تره مبين الرايد حجه حتى يروح
يزعل من سوالف مايزعلنه ..

- علي نافع

الشبابيچ التجيب أطراف عطرك
تُعتبر بالذكرى مرقد ♥️

كلما اتذكرها اختنگ
واحترگ
وارجف
وابرد
مو لأن راحت او لأن ظلي بطرف ظلها انشد
لكن يجي ببالي التعب والراح من عمري شگد
اني وراها اتغيرت والنوم عن عيني ابعد
ومفتوح ظل باب الصلح
بس باب حنيتي انسد

- ايهاب المالكي .

صَلي فوگ عيونها ، التنطيك حُب ♥️

گالولي عنك كملت قصة حياتك بعدي
وگالولي حيل اتشابهن حلمك وخدك وردي
بچوني واني الي چنت ما اقبل اتمشى بمطر
ويصير ميّ بخدي
گدما شفت بعدك حزن
منا لحد يوم الدفن راح ابقى عايش وحدي 💔

- مهند العزاوي .

بغرفة نوم ابد ما يفرح النجار
ما يرتاح بالچانت متعبته

- كرار اياد .

و شعجب صاير مو حلو
شو ذابلات عيونك ؟
و عظمك مبين بالوجه
ذبلانه حيل جفونك
هو انت صح هيچي صرت
لو هيچ صرت بعيني ؟!
نظراتك الچانت دوه هسه ابد ما تغريني ..

امنيتي اگلك اني احبك
لَچَن ماحسها اعله گدك
يا فراغك ، من يسدك ؟
يا فراغك راسم السكته اعله شفتي
ابتعد عنك سمه وتندل صفنتي
المشكلة وياك حلمي بنص غرفتي ♥️

- محمد الطالقاني .

اعرفك ما ترد بس ما طبگت الباب
مثل ميت عزيزه يعود ينتظره
سهل من تبتعد بس صعب تلگه انسان
شايل طيبتي ويهواك ع الفطره
باچر من ترد ما تلگه شي موجود
تلگه الورد ذابل والارض صحره
تلگاني مدينة مسددة البيبان
بيها الگمر ميت والشمس حمره
وتمسح ذكرياتك شجره الصفصاف
خافن من ترد تشتاگ للشجره 💔

- جبار العبادي .

اليمشي ويه اليحبها وايده بالجيب
مو بردان ، بس ما شايل فلوس ..

- علي الشمري