لا عندي زعل ، لا عتب ، لا عركه
انسى الصار ؟ ما ينطي الوجع فكه
ولك خليتلك مغرور يتشكه 💔

- علي مهدي

الليلة وازانه الحنين وصحنه بأسمك

.
لا تلگيتة
ابسلام أحباب ومحاضن حظنتة..!!
ولا بچيت لحالتة ولا نشفت بيدك
دمعتة..؟
وطردت الظايع طردتة
ولا نشدتة .. يا ندمتة..؟؟!
.
#عريان_السيد_خلف

دنگت تترس ماي وافتك الإزرار
وابرگن فنجانين من ذني الكبار ♥️

- عدنان البركي .

ساعة السودة بيوم رحت بوراها
يسّ يمّ لـ ثلث افواج رجّت گفاها ♥️

- عدنان البركي .

تحرگ دمي بس كلشي من اجيك يطيح
ولا چني هذاك المحترگ دمه
وارجع وحّدي واسمع صدى الحيطان
شنو مشتاقله و توّك چنت يمه 🤍

و بس انت العزلتك بين هاي الناس
ورممتك وانا بيوت اهلي مهجومة

- سعد شميّل .

شفايتلي چا حنيت ايدي
كون الطلابه اعله الصور
وهيچ من اشگگها تفض ؟
چا احد اصابيعي بحجر
حدما اسويهن مگص
ماخلي صورة اتشم هوى
حتى الـ ابالي اتگرض 💔

- احمد الصالحي

حِبني بكل مچان تريد
والله بكل مچان انحب
محد يدري وكت آذان
وادمنه التهت ب الرب ♥️

- اياد الاسدي .

وعلي مشتاقلك وارد اعرف اخبارك
ردلي شچم دقيقة انوب نتعارك
باوع حالتي بيناتنه العباس
على دفني ١٢ دفان يتشارك 💔

- علي مجبل .

أنه الـ من طِحت گبل النعـمةَ شـآلك
و أنه الما مرّة غـنة وما بچالك ..

- ايهاب عيال .

لو يوگعونك هوى
بالشم أشيلك ♥️

بس آني مثل التَعَب،
ولو ضاع تعبَك تره ما تگدر تدَوره .

تذكر من گلتلي ادخيلك وفزيت
گلتلك بس تعال وترد بالجابك
واجيت ودم ابوي اعله الملابس چان
وگلت لاهلي عرگ حمال بثيابك 💔

- علي ابو نؤاس .

بعد ما بينه شوگ ولا محنه
ولا واحد وصلنه ولا تدنه
گبل قرآن چان يردنه للبيت
وهسه نرد سكاره لبيت اهلنه

- منتظر الشاووشي .

فزيت ولگيت الدم على ثيابي
گلت هذا منو المذبوح

شمدريني العطر بي روح !

- حيدر الطفيلي .

شأمل منك ؟
يَـ چنك سالفة شيّاب
يَـ چنك كل قصيدة غزل للنواب
يَـ ريحة رشّة الحيطان
يَـ بو عيون الفِشل تنعاب ♥️

و مو كل فرح بي صَفگ
العريس حنته بچي
الـ ما صاير لـ خلّه ..

- حسام الحمزاوي .

تلمست الجرح بالليل
واليم الضوه اتدنيت
ردت اعرف نتل لو شگ
سمعت الروح ونّت بيه
كاغد منتهي ملزّگ
وياهو ايصرف الملزّگ ؟!
تگاطيع وصبر مابيه
گبل ماجيسه يتشگگ
وانه گلبي شكر بالليل لاحه الماي
واعرف من اريد انطيه
لو ينطحن لو يندگ 💔

- محسن الخياط .