ما راضيتني و بشلونك انسى الصار
يرضى بكلمة وحدة الجرحته الكلمة

اگعد بنص الجثث
وماخلي واحد يحس
تتحرك انفاسي
بس انت لمن تمر لازم افر راسي
و فلمي المفضل بده
وغمضت عيني بإيديّ خاطر سوه نشوفه
جا هيج واحد وفي تاليتك تعوفه ؟ 💔

يونس محسن 🌸

بيَّن منو المتمسك
وبيَّن منو المتخلي
من انت اساس المشكلة والگاك نايم قبلي ..
حبيتك وكلها درت من الغريب لـ اهلي
خلصت عمري بگلبي احب .. امنيتي احب بعقلي

يونس محسن 🌸

اني حسيت انتهينا
من حچينه هواي بس ما تلفظ اسمي ..
و زاد همّي
آخ يا صدمة فراگك
من السجن طلقوا سراحي ومن وصلت البيت شفت جنازة امي ..

يونس محسن 🌸

شگد بچيت .. ومن گلتلي شبيها عينك ؟
- گلت ما نايم بعدني .

يونس

چنت اني ادري بيك تخلي وتروح
وچنت ادري بفراگك وحّدي انلام
قبل الناس يعرف گلبي شيصير
مثل ذاك اليترجم حچي الافلام ..

همام سالم 🌸

محبوبتي اليوم بدرابين المدينة
تمشي وتدور علية شگد حنينة
اليوم داست ع التراب الچنت ادوسه
اليوم شارعنه اكض طينه وابوسه ♥️

يونس محسن

اذا نيتك تجي تراضيني بالعيد
وتريد الگلب منك حيل يرضى
تجي بس عيدية كون تجيب وياك
الذهب لا صاحبي ولا اريد فضة
اريدك من تجي تخليني مرتاح
امص شفايفك واخذلي عضة ♥️

شگد صعبة من تحب بشر بس شوگ مو متبادل
يهمل كلامك وبقصد وانت الغشيم تغازل ..

اني آخر حَنين يمُر على عيونَك .

يا كل البگلبي وانت لو ما بيه
چا هسه اني خالي وكلشي ماعندي
انتظرتك .. وانتظر .. وعيوني وكت الموت
انطيهن لواحد ينتظر بعدي ..

ايهاب المالكي 🌸

لوُباقيّن غربه ولا لچمّتك هَاي ..

اكبر مشكلة يواجهها الانسان
اذا ع المشكلة يبدي يتعود
وانا بقمّة خنگتي وانت هبيت
واشتميت فتحة باب مرقد
لگيتك راحتي وحلّي وضوه العين
والباب الي بوجه الريح ينسد
صح حبيتك من بعيد لبعيد
بس چانت صفنتي بوجهك ابعد ..

اني اريد افهم لويش الگمر يرحل
ليش ينقص .. ليش يكمل ؟
ليش بس حسّ بنجمته تحبه
ظل يلعب عليها يموت مرة ومرة يعدل
امنيتي افهم ..

حسين علي المطوري 🌸

‎شنهو آلصارلك وتغير اسلوبك
‎ياهو آلصاحلك ونسيت محبوبك ؟

وبدت تتعايد العشاگ بالعيد
ما خلّوا غزل ما گايلينه
ما خلّوا هدية تلوگ بالسوگ
ما ظل شي حلو ما جايبينه ♥️

حسام الحمزاوي 🌸

كل عام وانتم ومَن تحبون بألف خير 🤍

تقبل الله اعمالكم وصيامكم وقيامكم
وعيد سعيد، وكُل عام وأنتم بخير، اعاده الله علينا وعليكم بالأمن والعافية والسلامة في أمر الدين والدنيا،
💋🫂😍❤