ومحد يكفلك لان مالك عرف بالصدگ
و آنـه الغشيم الگُبل مديت جنسيتي

امعاند اتبدي الدوة من رخت عافيتي ؟

اسبگ اردانك چنت لو دمّعت عينك
ومافاك ريجي ولك .. محتار افك دينك

آنه البرودي يغث ، تجرحني الحچاية ؟!
معقولة هذا الوجه .. آنه الـ بالمراية ؟

أمنيتي أشع ع البشر
والينحط اعله الضوه
يبين شناويلي

امنيتي من انضنك واحد يتچيلي

لو مو تطور اجه ... آنـه الصورّك ترس
بيبان كنتوره

وگلت من اطيح بمرض
الگاك من التفت

ثاريهه كلهه چذب .. بس امي مقهورة

الماجابه شوگه الي .. يجيبنّه النذورة ؟

گالوا احترگوا هلي والنار من كل كتر
گتلك يطبهم رمي ولا گطع سالفتك

خاب انت مثل الضنى .. حتى من اغثك چنت
عود اعله مصلحتك

- رضا العبادي

انا وكلبي عله كلشي نموت
نطرك بالعمر حفاي

رايد اسمع صوتك اشتاقيتله
والعذاب ب حُبك احتاجيتله
چفوفي تسئلني عليك
احتاجت لـ لمسات ايديك
گلبي ليش يريدك شسويتله ؟! 💔

- علي الحچيمي 🌸

لاگيته واتغاضيت بس هوّه يسوه
مثل النعاس تگول طب عيني گوّه
- ابراهيم الكوفي

ابراهيم الكوفي يگول :
اجمع حجار الگاع وبـ عبّي اخلي
خافن الاگي هواي بلكي اثگل اعليه

ويرجع يغير رأيه يگول :
بطلت لو لاگي ما اجمع حجار
هوّه اني ما مجموع غاديله طشار

نتلاگة واضعف وارتبك
كلما اگلك فدوة ،
اتعب واول مرة احس
تعبان من شي يسوه
صورني گالولي الصور
بيد النحبهم حلوة ♥️

محمد قصي .

ينطيك گلبك نفترگ و بس بالأحلام تشوفني ؟؟

إيهاب ألمالكي

وگتلي من تخطر ابالي
منين ما امد چفي
اجيسك
وعلمتني
الذبلن يردن اذا جاستهن ايدك

مرتضى الحمد

.
انت بحظني بس اعتبرلك بعيد
اريدن هيج كون اني انخبط بيك
.
للمرحوم عبد الحسين الحلفي