تشابگنه عوافي ونمنه خد بـ خد
وصل يم طيفي وانه بطيفه گمت اصعد
غطينه انفاسنه وبخرّنه ذاك الصوب
نشهگ والسگف حسينه بي ينهد ♥️

عـذرك يحزنـي من النحـر
لا تجـي ولاتتوسـف
خلـي الفـراگ بلاشمـس
والدمـع بلفـي ينشـف ...
النـواب

يـالـبـسـمــتـج فـرحـتـي ..
ورفـت جـفـن عـيـنـج سـعـادة
ويـا نـظـر لـنـواظـري ويـاهـن وكـتـهـن لو تـراده ..

عـريـان

شعديلك ..؟!
تعال و جيبلي بجاهك اذن طرشه واعديلك
تعال وجيبلي بجاهك كلب ينسى واعديلك
تعال بجاهك و وجهك ..
يهلبت تلگه لجروحي الدوه اليرهم و اعديلك
وانه ادريك ..
سفينة وتايه البحار يا فشلة عمر يالما دوتلك نار
شعدي من السوالف ذيج
اهن اثنين اهن عشرة ..
اهن و شما اعد احتار مجنون اليعد بردي
نسيت منين احد حدي العبر حدي
ولك و شما غرفت بزود مدك وشلت مدي
تعال ولا تودي طروش
اگابحهم مثل ما گابح عيونك ضوه عيوني
مثل ما گابح سنينك عفه سنيني
مثل ما گابحت وياي احجي البيني وبينك
تره انه من ارد اشد وياك اظل احجي ..
يذلة عزتي بشانك ..
يشين اتلايم بشينك ..
تعال ولا تودي طروش
ولا مكتوب ما ينفع حجي الطارش ..
ولا وصفة بسطر مكتوب
خايف من تلاگيني
ولك مبخوت موش انه اليدور بالچتل ثاره
وحگ دم الشرب من دمه بسماره
لون بالموت ادور ثار
لا شهريت لا حسيت لا بالدار متغنيت
لا غنوة ينجمة وحلم جا سمعيت ..
لا روجات المشرح ..
و حگ من گال : يا ثلج الي ما وچيت ...

شاكر الخباز

منتظر بأخر محطه بلكت انت بهالقطار

اي يَ َگلبي الصوچ مَنك
ليش گِتلةة ،
اشما تِغيب تَظل حَبيب
وليش گِتلةة ،
الشَمس وكت المُغرب احلى
وعَلميتةة عَلى المَغيب

وانه ادري شعطلك علموعد وما اجيت
ضبطت الساعة بس النيه متأخره

ردني ل اول سالفه
بذاك الدرب من نمشي سكته
ردني ل اول مستحه يطيح ب احبك
ردني ل اول نضره جانت عايزه
تسافر الكلبك
لمني يمك
وانه كل ثانيه بكلبك راح احبك

مرتضى الغزي

بفنجاني تقرة و قرت
ضيم و مآسي و تعب
كلتلها هذا المضة
گالتلي هذا الجاي !

انا لله وانا اليه راجعون

الشاعر الكبير سمير صبيح. في ذمة الله. اثر حادث مؤسف قبل اقل من ساعة في ناحية الدبوني بمحافظة واسط وبعد قليل سوف يصل جثمانه لمستشفى الزهراء التعليمي في الكوت

رحمك الله ابوعلي

البلم لو زاد حمله
يكوم من شطه يغرف
وانه طعناتي من اخوتي
والخناجر تختلف
شوف شيكلي الحميته
ولجله ماخذني النزف

حس دمك لدمر هدومي

سمير صبيح

كافي انتظرته عمر هيج انت بالساهل ..؟
گتلهم ابقى انتظر ..
مو طعمه بس يختلف المنتظره يستاهل
هذا البنص البحر و المي يطب مركبه
تظل روحه بالساحل ...

سمير صبيح

وهَذاك أَنه
عَكس كُل بَلم طر مايّك
أحب جزرك
لان ألگاك حر طينك
ولذيذ الثوب من يگصر
وعَلامك گالو تعشگه؟
تَره ولفك تنيّن الشر
وأعاندهم واگلهم ياهلا بـ هَل شر
ويَـ جرف الشوگ دثرني بَلم فحطان
أريد ادفه بـ نثيّث الثوب المشجر

ما حنت عليگ بساعة غـروب
روحگ واشتهت تسمع خبرنه..!

جبار رشيد

من تشتاگلي وماجيك واتعذر
راح تعيش ذاك اليوم
البي گتلك تعال و گتلي ما أگدر

لـ رسول المنصوري

اصافحهم وحس باطراف
اديهم غيض
كاتل منهم ومادافع الدية ؟؟

- ايهاب المالكي

أطالع غير درسك تضن والها
وروحي من جهل بهواك ولها
اهي بالغرغره وترجاك ولها
امل وتگول هسى يعود اليه

هاشم فليح

🍂💛

ياهو الصاحلي ومارحت حفله
بمحنته.. وخدي خيط الضيم حفله
لگيت اربيعتي مسوين حفله
لمن سمعو جفت دنياي بيه



لـ بشار الاسمر

علامك ماتشم عطاب للشاط
بدليلي وسوطك بمگفاي لشاط
توديني بضماي وياك للشاط
وتردني ردود نفس العطش بيه

ضياء الرويمي

لاغايب واگولن باچر تعود

ولا مصيوب وارجى يطيب الـ صواب

ولا بيّه اعله بعدك وأگدر انساك

ولا بيك وتجيني اويه الهوى الهاب

ودّيلي بقميصك خيط بيه روح

مرّات الـ قميص يجيب غيّاب

مضيعك والسچچ والوادم تعيل

والـ مضيعك ذليل وبيش ينهاب

وحگ الـ غمضن من شافن الـموت

اخاف أحچي وتگول الـ ناس چذاب

انه بيوم شال النعش لـ اليوم

عين أبچيك بيها وعين عـ الباب

وانه ادري القدر لو صار مكتوب

ولـدنيا ولغزها اسباب واسباب

ليش الموت متغيّر هالايام

يضحك لـ الچبير وياخذ الشاب

بسّك ياقهر ياموت يا ليش

حلاتك ياذنب لو صاحبك تاب

وحلاتك يادمع للفاگد متاع

لو من مشتهاتك صار العتاب

چا هيّ الگبور گبور لو غَير
شـ نهي العطلاكم ها يالاحباب .. .

__ ضرغام لطيف