مامش شوگ جاسك ؟
گلبي ماشفته ؟
آنه الادري بي كُلش حنين انتَ

‏لو مطَيب خاطري
بكلمه !
بسؤال !
شراح تخسَر ؟!
وگتلك بأخر رسالة تبادر وتنقذ حياتي
وچنت تگدر 💔!

ردني ل اول سالفه
بذاك الدرب من نمشي سكته
ردني ل اول مستحه يطيح ب احبك
ردني ل اول نضره جانت عايزه
تسافر الكلبك
لمني يمك
وانه كل ثانيه بكلبك راح احبك

مرتضى الغزي

الحداثة البيچ ما تقراها الـ احديثات الـ بگدچ
الوحي يباريچ بس وينه النبي الـ من خاطره يعبدچ
الـ دخلو دينچ يعرفون شامات الضوه بخدچ
خذوچ ومن جديد انريد للدنيا هوا انردچ
"وهج" ماكو سما بگدچ...
.
وسام سباهي

#تعاليلي ..
وافرغلج شكو بروحي
وانام وياچ حد ماتخدر الرجلين
واريدن اخ تجرح اخ
اعله چرچف ماده الچفين
.
ولاتخافين حيلي يبيد
حيلي وياج مال اثنين
.
ولاتبچين ...
ادري التجربه الاولى تتعب هواي
.
لاتبچين
شمسوين ..حلاة الليل فكة زيج
وذنب توقيته بالثنتين ..

وأمنيي عيوني يوميه
وأگله اليوم يلفيني
چاشيصير لو غفله
تجي خطار يم عيني
وأصليلگ ...شكو أبروحي
وأگل للناس شعليكم
أريد أستفرد أبديني

احسد عيون اصحابك الشافتك ..

واتمنى ابوس ارموشهم والجفن

دمعة عيوني التوكع بغيبتك

دورها تلكه جم حلم مندفن ؟

علمني ياشباج مابي ألك
دمعه
ودعاء
وعصرة ايد
وحزن

علمني أشوفك حتى أبطل العمى

علمني أنام وماتجيني بحضن

رضا العبادي شيكول ... ؟؟؟

ماعاجبك مظهري لوحدنه كلي بستر
مو تجي كبال الخلك وتصيحلي أطور

هسه انت من تنجرح مو كبلك اتعور !

دكيت بابك بدي واسمع تكلهم علي
كلوله توه طلع مانعرف اخباره .. 💔

وملكاك بنسبه الي
من ارجع من السفر واشتم العمارة

كتلهم من ابتسم يشتاكلي ويبتسم
وبكيف كلبي رحت
ماخذت شور العقل من كال مانصحك

وامنيتي مارهنت حسبالي دومك الي
شمدريني ماتضحك ؟😔