وشعنده ويا الشته؟المثلك بشر يهوى
مادام حضنك الي خل البرد يقوى😍❤

لـ رائد ابو فتيان |🌸

يامحلى ذاك الوكت
صافن ولا منتبه

وايدج اجت لايدي
كاودتج وحسبت متكاود اوي النجم
وعيونج اللي بخجل
دارت عليه وتهت

حسيتني اتفردهت
من يومهه لهل وكت
باكتتني عيونك

لــمَن فتت
كلــشي وياك رآد يــفوت
فَز من الــقميص الوَرد
و إتخــطاك عَــشر بيــوت ،

ولا عثــرت عيــونك
تـلگط الطايح إعلة هدومك بحمرة توت
هذا آخر جرح
ليش أســود ؟
بــ خصر إيدك تشده إعلة البياض إبتوت
إنتَ التسمع من الــندة
حِس صــبيرة وكت الموت

و لا چــنك تريد تــشوف
حــزني شــلون عالــي الصــوت
مثل حــزن الــگــصب
يتســولف وية الماي بالبسكوت
.
.
.
لــــ ريسان الخزعلي

بهت خلگي وطفت بعيوني الولايات
و على جدمي العتيگ الشارع إستفحل
تــيهت الدرب هَمسة بوسط چــيلات
و انة الــچنت اباوع بالعــيون أندل

راعيــها عُمر وإستغربتني الشات
سَمار جــروحي مدري الناي التبدل
ماي وشمس ما ضــل بالوجه بصمات
بايــد رمــشي گدما عگــبك إتبلل

إمنصد لــروحي اصوفر وجه المرايات
الخريف بــخدي عايش عيشة مدلل
مو ذاك إلي تكشخ بية الفــراشات
يم عاگــول أحط روحي اطلع مبهذل

مو شغــلة عطش بالغصن شغلة ذات
عگب چف الفلح حــزمة بنهر يــذبل
ويــنك يالچــنت تختارلــي النَسمات
ريــتي خلاف ذوقــك كلشي ما تقبل ،
.
.
.
لــــ صفاء الصمت

بَين الجدايــل نَهر
روجاتــة من فــضة
يــجري الحِسن ع الحِســن
وَمــضة بأثر وَمــضة
و طــوير ليــلو حلو
يا روحــي شيــكضة ؟

ينزل ويصعد هَمس
تلــهث بصدره الشمس
والضــوة مرجوحة
العــسل ضم روحــة

تَــعبان ذبني الســفر
بــمحبتك تعبان
الشجر من كل كتر والماي بالغدران
و طوير ليلو حلو يلعب على الاغصان

ينزل ويصعد همس
تلهث بصدره الشمــس
يا روحــي شيلوحــة ؟
العــسل ضــم روحــــة
.
.
.
الكبير عبد الإله منشد

صوتك الاسمر لحَن مشّط ظنوني
كون امد طيشي إعلة صــدرك
ودّي اكاسر طولك بليلي و أغنّي
هناك يم فــَـي خدك النعسان هيل

ياربيع العافيه.. چم بوسه الك 
بيه واگولن خلگي ريل
ياحلم ريحان بَللني خَضار
وانتشيت لسمه ظنونك.. 

تدري جرحي استورح الآه واجاك
تدري من صحتك..
نـِـفس بير انكسر بيه وبچيت.. 
صاحت الدنيه وراي
ياضوه المايع بظلمة مستحاي

غطي روحي بنشغة زلوفك حبيبي
البرد طفّه الحيل بيه
سنيني نگعت دمع من شمّت 
عيونك بيها ريحة ما ارد

وافتهمتك..
بساعة وداعك گمت نص عين تحچي
ليش وآنه حچايتي بگد روحي تطلع
ليش يا اول حلم دگ باب عيني
تنطفي بروجة سهر
روح ياجرف الظنون
امّودع دموعي وغربتي
.
.
.
لــ علي حسن الشمري

لذة تتمزلگ حدر نفنوفها و تمشي و تغني

الليلة ثورة
الليلة گمرة

الليلة مامش كحل سايل
بس تسيل اليوم حمرة

الليلة سكرانة المحنّة وشوگي كفرة

الليلة قفل چفوف ملتف
عالخصر مفتاحة خمرة .. 💛💎

مدري شچنت اسولف وانت مريت 
هب عطرك وماشميت بعدة !! .
.
فهيت وتيهت سالفتي 
والناس ، گالولك جمالك وين حده ؟
.
واحد راح حط ايده اعله خده 
واحد گال غمض لاتعبده .
.
چا لو ضاحكلنة بينة شيصير؟ 
هاي الهوسة كلها بنظرة وحده .
.
وانا مــن يومها لليوم سهران 
اليحب حضنك تقنعة بيا مخده !
.
غير اليوگع بشده يصبروا 
انا محسود چي واگع بشده !
.
يـل مــن كل جهاتك ينصفن بيك 
مثل الهوى تنشم روحة ردة .
.
حلو والاحلى تخجل مــن الاگيك 
تطشر والمك ورده ورده ! .
.
شوصفك والقصيده شلون تكفيك 
بـس ( الضحكتك ) ينراد گعده ! ♥️
.
.

وخاف باچر تكبر بروحك معزتي
وأجفي وبلا سبب عنك
لا تذمني أني من أول گتلك
لا تحبني.

مامش غنوة اتحَنن گلبك ؟
كل يوم تبچيني اغنيّة ..

الليله دورك
الليله اريد تعيش حزني
انه اغثَّك وانتَ تبچي
انتَ وديلي الرسايل وانه اشگهن
انه انام وانتَ ظِّل اكتب قَصايد
اريد اشوف شلون تصبر مِن ينشدونك عليه شراح تحچي !

- أحبك بكل شيء إلّا عقلي .

‏اذا لم تُجرب الشوق الذي يجعلك تتفقد هاتفك في الثانيةِ ألف مرة ، فأنتَ لم تُحب يوماً

‏حَنّيت ..
بَس مو الَك
‏لأيام عُمرِي الخَلصَّن
‏بِـ شِباچ گلّبَك عِلگ
‏لأيام ما چان النِّفَس
‏يتمَرجَح بِـ رِيتي ويطُب
‏مو هَسه أظلَن مِحترگ
‏مِن چانن عيوني صِدگ
‏بيهن بياض مِن الوَرد
‏ردهن إلي بَس لا ترِّد !⁩

🌸


وحكهم من يحسدونه
اذا عاشكلي انا انسان
وعلي لو كابل مرايات
يحسد روحه بعيونه


.
لــــ حسين علي المـطوري
.

#رسلايتي💛

اعاتب ليش؟
ّو انه أدريك ما تفهَم
حچي عيوني.🖤

‏إختلاف المعنى بين كلمتَيّ (يمر - يعبر ) يغيِّر معنى و شعور الحديث ٣٦٠ درجة
- مثال على ذلك "مر عليّ الكثير و عبرني شخص واحد"

وهسه شلونكك احچيلي ؟
گالولي عليك عيونك مغيمهَ
واجتني الناس تشكيلي.