الدفو البيه
اعله گــــدك
ماا تگُف ياطير !

ابوسك گبل لا تغفه
وأحبك كل ( صباح الخير )

واضمك
وي غراضي الغالية
البفلوس ماتـنـباع

واغرگ بيك
من گلب السما للگاع

تره تعبان حبني ابساع
.



#احمد_المرشدي

ياما لسعتنه الشمس
وبفي كصايبهم غفينه
ياما فيضنه الوفه
وحطولنه المهجه سفينه
ياما ذبنه العطش يمهم
وبجدح جفهم روينه
.
.
.
.
#كاظم_الكاطع

‏اخاف احچي واقلل من قَدرها
واذا اسكت اظل حاير بـ امرها
الـ من گد ما بريئه تبچي نوبات

-اذا ضيّعت قراصة شَعرها ،💙


#احمد_ابراهيم

من چانن صديقاتچ
يذكرون اسمي لو رادن يخجلونچ

و من چنت أسمع شچم هااا
من ربعي ، اذا اصفن و اضيع بشوفة عيونچ

و قبل لا ابدي ادخن ختلة عن العين
خاف يشوفني الوالد

و من چانو يضيعوني
يلگوني اعله فكة بابكم گاعد

و اذا مَ انفك ارد مثل اليرد من الحرب خسران

و اذا تذكرين ؟
بكثر ما شامر الـ وردات فوگ الباب
حتى بـ صَب حديقتكم صبح بستان

امنهد ما چانن الحيطان لون ابيض
و صار اسمچ يبان اكثر من الحيطان ،💙

احمد ابراهيم 🌸

وهي صغيرة
كانت كلما فقدت إحدى سناتها
تنبت مكانها وردة
عندما كبرت
صار فمها حديقة..
حبيبتي حين تحدثني،
يطوقني العطر
وحين تقبلني
ترسو فوق رأسي الفراشات والعصافير.