اعتگ وارد اقره المكاتيب،..


ايما صباح

‏ولأنك ياحبيبتي جميَلة العينين إفعلِي كما قال القيصر : تمردي تكبّري وتدللي .

.
ي سالفتك متاهه ماي !!
المك بيش ؟!.

ياوجه الگمر من يا كتر هليت
إجيت منين
حدك وين
ياأول ضوه تلگيتك من ابعيد
و إتبديت
.

يل تندل درابين العشك بالروح
افزع اجيوش حزني اعليك
وانت بلمسة تحتلني..
يمدري شلون محتلني!! 🤍🤍
.

لطيف العامري

انه ادري العشگ بالراس
بس الگلب طگ صيته

محمد رزاق

حته المرايه حقيره
انتي مشطتي ومشيتي
سبوع وجهچ باقي بيها

علي البديري

يتعبني اليگود ٲﭼـفوفي لـنـار
يعايني ٲحترگ ويردد ٲسم الله

#مهدي_الواسطي

الخـصر مرسوم دلة وعوزه نآر
الشآفها و وصّفها گالوله چذب

عدهآ رگبة تسوي وآهس لليصيد
بنيه ع الغزلان لازم تنحـسب ..

هيه كون تباوعلنه بـ طرف عين
وأحنه نقبل مــن طرف وأحد نحب

شلي بـ التفاحه مذنب بيهآ اصير
خلي " شامتها " تحملني الذنب ♥️

زين كريم 🌸

ويّ غبشة عمال المسطر
بجويريد ابلايا انگاب

كاشخ بهديمات ارفيجي
وبالدربونه اتلفت طاب

زيبگ جدم عيوني ..وگلبي
يتسابگ وي ريح الهاب

چن ميل وساعة صريفتهم
واتنطر باگي اعله الباب

يمتى افلانه تفك الباب ؟

عدّت فترة وطولي اتجمّد
و گليبي اتحول عطاب

خاف إتأخرت إعله الموعد !
خاف وخاف .. ابلايا اسباب

عاينت اعله الساعة البيدي
وبس شَوَف الساعه مخليها

مااعرف وكتي وطلعتها
چا انشد ياهوّه اعليها

وافرك بچفوفي من الحيرة
واتذكر چفي ابلا چف

وفجئة ألمح طرف اعبايتها
و فز دلّال العين و رفّ

عدّت من سدي وفرحانه
وتكابر گدامي اعناد

باسن خد چفيها اچفوفي
وعن لا طوّل شردَت غاد

آنـه الصل ربعي يسموني
يمها الحيل اخويط وباد

وتمشينا

تمشينا ونيّتها المعهد
وانـه ابلا نية املاحگها

و تتلبد عن عين الوادم
حدثة وبت ابيوت وحگها

وسرنه ودرب الچان شطوله
شو صار اتذكر شبرين

وضلينه بسكتتنه نسولف
ياهوه اليبدي .. امتانين

وما اچذب اعليكم سولفنه
لچن بس بـ السان العين

و واحدنه يعاين للـ آخر
خجلانين و محد بادر

حدما وصلَت يم معهدها
والتمت وادم بالشارع

دنگت عيوني بساعتها
وضل دلالي اعليها يباوع

راحت ماگلتلها اعشگها
ونار وچن شبت بچلاي

ذبيت اللوم اعله گليبي
چا المن جبتك وياي ؟

رديت وگايد صفناتي
وصدري محمّل ضيم هواي

وعيني المطرت مدري الدنيا
بس اذكر خدي اعليه ماي 💔
.
.
رقية الحاج 🌸

برسيم شعرها يموج ما يركد بأيد

كركوشه وبشاهود سبحة اجاويد

من گد ما صفنت بلمعة الخد
يمكن حسبت رموشها شكد
شني هالمحبة الله ولحد ♥️

علاء عبد 🌸

إجت بالطٌـيف بآستـني
خربـت نومتـي ورآحت ♥️

سيف الحلفي 🌸

بعد مثل الظرف رآسي اعله صدري ينآم
و ألولي لـ روحي ما احتآج لليسهر 💔

علي مهدي 🌸

و اليآخذ وِلفه و مِتهَني
ما يحسب كل عمره الفآته
معروف العآشگ يتمَيَز
من يگعد تكثر صفنآته ♥️

مرتجى القريشي 🌸

يآ حبيبي عيونك الحلوآت مآي
يآ حبيبي عيونك الحلوآت تعبي و رآحتي
و عِلتي و دوآي ♥️

جوآد زغير 🌸

كل سدة جفن بـ العين
شرده من ازدحآم الدنيا لـ عيونچ

كرار سالم 🌸

بسّك تبتسم هذا الجسد بي روح
تصبر بس تره الهذا صبرهة آحدود
صافي شگد سمار خدودك الحلوآت
الگمر ماعنده هيج اخدود ♥️

محسن الموسوي 🌸

إلحگ ناس اجتني إتريد تعشگني
إلحگ كونك إتحبني
إلحگ ناس اجوني إحنان
و آنه بـ طرگ روحي
و خاف هـ الحنيه تاخذني ♥️

حكيم الفريجي 🌸

تواعدنا

و قالت موعدي بُكرا
و راح البس انا زَهري

و انتظرك قُرب دكان جارتنا
تمام الخامسة عَصرِ

قلت : سَلمت الك امري

و اجى بكرا
و بَعد بكرا
و لكن ما نفذ صبري

وبَعد مُدة من الدَهرِ
انهدم دكان جارتها
وكأنو الإنهدم عُمري

ومَضت هي والسنين ابعاد

ولكن ليه ؟! ما ادري 💔
.
.
حمادة ابراهيم 🌸

مرات يلچمني و اگولن خَلَه
يزعل عَلَي خايف و هل ما گله
لا عندي غيره إنسان اگضيهه وياه
و لا رفگه ظلت حته بيهه اتسله ♥️

حكيم الفريجي 🌸