نايم .. يا فرح ، يا خيط صبح الله
نايم .. وانطفه الشباچ البگلبي
وعلى عيونك بچه وصلّى
يمتى تفز شمس وجهك
واصابيع الضوه تمشط شبابيچي ؟

يمتى تحن على عيوني
وتقره بگلبي تسبيحك ؟

انا مالي عرف بالجنة والمحراب
اعرف بس تواشيحك

إلـٰه الحب قريت اسمك
وشامة خدك اعبدها
وبسملتي اعله خصرك شوگ
راهب گلبي رتلها

اجيتك شارد من الناس ياديني وصلاة الحُب
اجيت اتوسلك بالحُب
تخليني اعله محراب الخصر اسجد
عبد خمرة وتلاگة برب

واتصوف على شفافك
واعرج للسما بعطرك
البراق بحضنك تلمني
وعرشك ينقري بخصرك ♥️
.
.
يوسف الحلفي 🌸

لو يهل وجهك حبيبي
الا اوزع كل بواچيي على المحد بچاله
الا اصوغ السكته الك ساعي ورسالة
الا اطفيلك ايامي .. مراد جيتك
وانت تدري
كحلة البيبان چفك يا حبيبي 💔
.
.
فرح كريم 🌸

حِط صورتك يم صورتي و إرجع نآم
من تگعد اتشوف الصور تتحرك
أكسر اطآر الصوره و ادخل ويآك
و اقفل اطآرك و ارجع اغفه بـ صدرك
هوَ التخبل بيك شتريده يگول ؟
النسّيته اسمه شلون مآ يذكرك ؟♥️
.
.
عمر ريآض 🌸

 .
ولك يآ هيل لا تنغر
ابلا شوگي و لهفتي اعليك ما تنشم
و انه صوچي
ابن آدم مو عزيز يصير من يهتم
انه فآگد اعزآز هوآي ليش بـ هجرك اتلثم
و ليش و ليش بس بـ اسمك اتلعثم ؟! 💔
.
.
رسول الفتلآوي 🌸

يآ حيآتي لان أدري انتَ فرآشه
قررت أبقه غصن
و انتَ يـ الكلك ترآفه آني محتآجك حِضِن
وما اگلك آني أحبك خآف يتغير طعمهه
الشفه خآف اتبوگ من عدهه الترآفه
و لـ ذلك رآح اضمهه ♥️

.
عمآد المطآريحي 🌸
.

محزم احزام البدو رايد تشيل ؟
وين عايفني يبعد امي وهلي ؟

خذني حاجه وياك
احرسلك
دليل
ولا تخليني بحزن وحدي انولي

#علي_ننه

علـى كـل الگبـور انكتبـت المرحــوم

البخــور بألـــف للحمــال و التــاجــر

#حسين_ابو_عراق

يليّ جرّة سما بعينك خاف أفززها من أگلك
انه أحبك
انه احبك


مظفر النواب

هذاك آني ..

أوج واگف واطيح رماد .. عود بخور
يكتلني ال يطفيني

مؤيد الخالدي

اعتگ وارد اقره المكاتيب،..


ايما صباح

‏ولأنك ياحبيبتي جميَلة العينين إفعلِي كما قال القيصر : تمردي تكبّري وتدللي .

.
ي سالفتك متاهه ماي !!
المك بيش ؟!.

ياوجه الگمر من يا كتر هليت
إجيت منين
حدك وين
ياأول ضوه تلگيتك من ابعيد
و إتبديت
.

يل تندل درابين العشك بالروح
افزع اجيوش حزني اعليك
وانت بلمسة تحتلني..
يمدري شلون محتلني!! 🤍🤍
.

لطيف العامري

انه ادري العشگ بالراس
بس الگلب طگ صيته

محمد رزاق

حته المرايه حقيره
انتي مشطتي ومشيتي
سبوع وجهچ باقي بيها

علي البديري

يتعبني اليگود ٲﭼـفوفي لـنـار
يعايني ٲحترگ ويردد ٲسم الله

#مهدي_الواسطي

الخـصر مرسوم دلة وعوزه نآر
الشآفها و وصّفها گالوله چذب

عدهآ رگبة تسوي وآهس لليصيد
بنيه ع الغزلان لازم تنحـسب ..

هيه كون تباوعلنه بـ طرف عين
وأحنه نقبل مــن طرف وأحد نحب

شلي بـ التفاحه مذنب بيهآ اصير
خلي " شامتها " تحملني الذنب ♥️

زين كريم 🌸

ويّ غبشة عمال المسطر
بجويريد ابلايا انگاب

كاشخ بهديمات ارفيجي
وبالدربونه اتلفت طاب

زيبگ جدم عيوني ..وگلبي
يتسابگ وي ريح الهاب

چن ميل وساعة صريفتهم
واتنطر باگي اعله الباب

يمتى افلانه تفك الباب ؟

عدّت فترة وطولي اتجمّد
و گليبي اتحول عطاب

خاف إتأخرت إعله الموعد !
خاف وخاف .. ابلايا اسباب

عاينت اعله الساعة البيدي
وبس شَوَف الساعه مخليها

مااعرف وكتي وطلعتها
چا انشد ياهوّه اعليها

وافرك بچفوفي من الحيرة
واتذكر چفي ابلا چف

وفجئة ألمح طرف اعبايتها
و فز دلّال العين و رفّ

عدّت من سدي وفرحانه
وتكابر گدامي اعناد

باسن خد چفيها اچفوفي
وعن لا طوّل شردَت غاد

آنـه الصل ربعي يسموني
يمها الحيل اخويط وباد

وتمشينا

تمشينا ونيّتها المعهد
وانـه ابلا نية املاحگها

و تتلبد عن عين الوادم
حدثة وبت ابيوت وحگها

وسرنه ودرب الچان شطوله
شو صار اتذكر شبرين

وضلينه بسكتتنه نسولف
ياهوه اليبدي .. امتانين

وما اچذب اعليكم سولفنه
لچن بس بـ السان العين

و واحدنه يعاين للـ آخر
خجلانين و محد بادر

حدما وصلَت يم معهدها
والتمت وادم بالشارع

دنگت عيوني بساعتها
وضل دلالي اعليها يباوع

راحت ماگلتلها اعشگها
ونار وچن شبت بچلاي

ذبيت اللوم اعله گليبي
چا المن جبتك وياي ؟

رديت وگايد صفناتي
وصدري محمّل ضيم هواي

وعيني المطرت مدري الدنيا
بس اذكر خدي اعليه ماي 💔
.
.
رقية الحاج 🌸

برسيم شعرها يموج ما يركد بأيد

كركوشه وبشاهود سبحة اجاويد