شهـــكة شِعـــر 💙
6.12K subscribers
10.9K photos
369 videos
3 files
48 links
افرفح چم تعال ابسد تصاويرك

يالبروحي كبر غصنك ولاحطن عصافيرك

لـ عباس الغزالي

قناتي ♥️
Download Telegram
كل سجّدة حزن منك
زهگ بيها التراب الوان

بكل ضلمه بزغ طولك
شمع يلمض عله الحيطان

كبر صيت السجن لمّن رضت تنگاد
منهدها
ورسمت چفوفك ملامحها عله گد بغداد

#احمد_الطفيلي
ضحكتك
عرس للغبشه

وچفوفك
حرير اسمر

ورسومك
ولا تخفت شراع اشگر

ويهنياله اليجيس
الحزن بعيونك ولا يعثر

#احمد الطفيلي
اضحك وانثر هلالك

واتبده فرح للناس

وارسم رصعة خدودك عله خيالك
.
#احمد_الطفيلي
كبر بيّه المناشد
سنبله تواكح عنان الريح

ياريّه اشتهتني
وما فزعتلها شذى عذيبي ؟!

نزيز وجوه يضحك
من يمر خيالي صدفه منگع بهمي
وولا شفّه قرتني بچلمة شلونك

#احمد_الطفيلي
مبخوت
الگمر لو شافته عيونچ

ومبخوت
الكمش جفچ

ومبخوته
التراچي الغنّت لزلفچ


#احمد_الطفيلي🌿

ياحبيبـي

العين التجيسك تلچمك .. الّا عيني
ترشگ سنينك عوافي مخمره بشهگات گلبي


#احمد_الطفيلي🌿
تبـزغ مرايـة فـرح لو غنّتـك شفه .

#احمد_الطفيلي
شوباش لو سيّرت
زفه وطرب غنوه
بـ كل عرس لونك يفز
معضد بـ چف حلوه
.
#احمد_الطفيلي
غافيه جروحي بحزنها
لا تفـززها بأاحبك
.
#احمد_الطفيلي
صـباح الخيـر
لـ عيون النـثايا ولهفـة المـشتاگ

صـباح مـن الفـرح
للوادم الحلـوه وغنّه العـشاگ
.
#احمد_الطفيلي
غيظك جاس مرودّهم وفز كحله

كل سجدة حزن منّك
زهگ بيها التراب الوان

بكل ظلمه بزغ طولك
شمع يلمظ عله الحيطان

كبر صيت السجن لمّن رضت تنگاد
منهدها
ورسمت چفوفك ملامحها عله گد بغداد
.
.
#احمد_الطفيلي
نجمه عله چف الـ مسه
شرعب وميظك وطن
گفلةّ فخاتي الگمر دمك گفلّ للحزن

تترتّل عروبتك
ترشگ حِسن للطين
العين التچهبك ترد تتلهوج انت منين

من يانخل لذّتك
من يادفو اولادك
غبشه الشهامه تفز تتنخّه بعنادك

مهيوب فيّك نزر
ما تمّحل لكل ضمه
تهدل مزن للعطش شاچخ وتحني السمه

تبزغ مراية فرح
لو غنّتك شفّه
تتمايل ويه الشمس حدرك شعب يغفه

تصفن .. صهيلك يوجّ
تضحك .. نثايا تهيد
گرداله اسمك لمع زوّگ سمار الجيد

شوباش لو سيّرت
زفه وطرب غنوه
بـ كل عرس لونك يفز معضد بچف حلوه

تغبش شلب للصبح
ما رتّلك مرواح
كل ظن يجيسه العطش سابگ نثيثه وصاح

يعراق دمك هنيّ
يروي الزمن والوطن
گفلةّ فخاتي الگمر دمك گفلّ للحزن
.
.
#احمد_الطفيلي
ساكت وتشربني چلمه

گدار خورة مزنه بللّت الضمير
وما شفت چف يمسح اسمي

ما شفت چف يمسح اسمي
من التراب
من السكوت
من الظنون التاكل براسي عطش

السكته شمس مصلوبه ع الحيطان
السكته شمس مچفيه ع البيبان
السكته سجن .. غربه .. نعش خنجر .. دغش گيعان

ياخذني الدغش للناس
هلبت يفرح البيه
وارد گايدني چف حزني عله الغربه

الغربه مدينه وبابها عيوني
الغربه حلم منهوب بات بمستحه جفوني

بدفو ظنوني
دبه فيظ الظلام
ولا جرف يبزغ بروجة طيف

ركض بيه السهر دخان
من اول جرح لاخر كيف
واغبش نسمه حرّه مشرعب بدمي

بالظلمه يفز دمي شمس
ينكث رذاذه بحايط الوحشه

الظلمه مُهر يمشي بشراييني

يصهل بالگلب شهگة رماد تهيس اللچمه
كبر بيه غنه اللچمه
كبر بيه المناشد سنبله تواكح عنان الريح

ياريه اشتهتني
وما فزعتلها شذى عذيبي ؟!

نزيز وجوه يضحك
من يمر خيالي صدفه منگع بهمي
وولا شفه قرتني بچلمة شلونك
.
#احمد_الطفيلي
بيا گمره المّ روحي
وخيالچ شگّر الحيطان

بيا عَتبه يفضّ ذاك الزعل والغيض
وانبت فرح ع الگيعان

يفلانه النشِد بيبان

النشد يندَه محطاتي
ورفيف السچه بزلوفچ

جواز الگذله اصابيعي

جاس الشامه
طيره تلاعب النهدين

الفرات يبات ع النهدين

بارد ما طفه الشمسين
بارد والچفوف تسلهم بممشاي

بَرِد جيدچ زراگ الماي
الشمس شذرة حزن ع الماي
تلمع بالجرف موال
وتغني التعب روجة سفر ع الدم

سراب اللهفه گذلة دم
سراب اللهفه يلمظ تعب فوگ الدم

#احمد_الطفيلي
بـ الچفافي البيض ملتم حزن گلبك
بـ النده المشّمس ضواك مناغه شگره

يا مسچ يا غنج سمره شلون املك

رتلني ولو چلمه
شتاهم بارد وچفك دفو حديثه

اخذني لخدك الرايج يبعد الناس
ضلمه وجوههم ما تشتعل بـ الكاس

بـ الصحو بس انت اشوفك
وبـ السكر ماشفت غيرك

ولك يالتركض بعيني
دمع بس بالحزن تنجاس

رتلني يبعد الناس
طايحه الوسفه لشبگتك
والحرگه الگضت چفي ودمع العتاب

اخذني من الشبابيچ العتيجه تراب

#احمد_الطفيلي
لو ضاگ السفر بيه
اجيس الوطن بچفوفك
.
#احمد_الطفيلي
This media is not supported in your browser
VIEW IN TELEGRAM
الشمس من تزّغر
توجّ بدورة ايدك

ومن اصابيعك صهيل الدفو يدبي
جست چفّك ،، والفرح نسّم بگلبي

نسّم بروحي السُكر
من كاس چفك

وشفت گمرتنه المخمّره
ململمه معضد بچفّك

والنده الرايج
نسه الشباچ واتغنّه عله چفك

كافي تِجفي

مفتّگه ضلوعي الحرير
وانت خيط الذهب متبدّي عله زلفك
.
#احمد_الطفيلي
غنيلي
حده بيه التعب سرداب

غنيلي
السواجي تهيض
لو سمعت لحن خنياب

غنيلي
السمار البيك يتغنه

غنيلي
المسامر لو حضه بچفين ينفك باب للجنه

#احمد_الطفيلي
صـباح الخيـر
لـ عيون النـثايا ولهفـة المـشتاگ

صـباح مـن الفـرح
للوادم الحلـوه وغنّه العـشاگ
.
#احمد_الطفيلي
.
.