كون يمك..
يابخت جنحة التذبه الريح يمك..

#الكاطع

.

حلاتك يا نهر عمرك سفر تكضيه
لا ترتاح لا تمتد؟
حلاتج وركة البربين ..
تهواج الشفايف حيل
تنباسين جنج خد..
حلاة السيف بخدود الرمل ينحد

#الكاطع

اطير ويـ الهوة ... من يمر طاريك
احـن مـره لـهلي ... ومرات احـن ليك

#الكاطع

مليت وك يا گلب

دگاتك مسودنه وچنهن بصدري ارماح..

چم موت اجه وما متت يالبيك سبع أرواح.

#الكاطع

اتـنـدمـيـنه
وجـيـنـه نسحل شوگنه برجل الندامة

#الكاطع

سنه إشفافج عله إشفافي
بصراحه الوكت موكافي
أريد الشته إيصير أربع مواسم
ياحضن دافي
وأريد الليل سبع إسنيـــن
والله إيمــَوٌت الغافي

لو طال السفر ويـــاج
من روحي الخدر ينزل عله الرجلين
وأمشي إعله الجمر حافي
ولو ميت وأمر بشارع إمشينــاه

أنسه جنازتي وتتحرك أطـــرافي
.ولو يطفه الضوه من الصبح لليــــل

عن بيتي تِكَـــول الناس
عنده إكًلــوب ما طــافي
ضـَعٌفني الزمن لكن أكابر بيــج
من صار النهر دهله إبربيع الفات
مَدٌيــتي إديــج ورد نبع صـافي
سنه إشفافج عله إشفافـــي
بصراحه الوكت مو كـــافي

#الكاطع

خيلـك طشرتنـي وجنـت ملمـوم
وصـارت طيحتـي بيـن الحوافـر ..

#الكاطع

واعترفلچ انه چنت أبلا گلب

شلي بالگذله ابهبوب الريح ماتلعب لعب ..!!!

#الكاطع🌿

‏چنت اودهم

چنت اظن سدرة بـ ظهاري الصيف

تچويني الشمس

واگعد بـ سدهم

#الكاطع

‏جنت انه الوم النخل
لو من ادين السعف بالريح يوكع عثك ..
بس جربتها وشفت ..
شفت العطش لو هجم اول ضحية العرگ ... !

#الكاطع

‏احسك ظل يرافگني
ويكبر من تجي الظلمه
يصير خيول وحشيه وتطاردني
اروح لوين
رحت الكل مكان وسيفك اگبالي

#الكاطع

أمشيلك شواطي الليل
وانت نجوم تبرالي

كل روجه بجرفها اتنام
وانت تظل گمر عالي

انه بلياك حالي يخاف من حالي

#الكاطع🌿

گلوب الما صحت
من ذيچ الجروح

تبقى امفطرة رجلين رعيان

#الكاطع 🌿

بعد متفيد الندامـة
و بعد ميفيد الاسف ..

مـا دريـنـه الريح عالي
لمّن اهـتـز الـسـعـف ...

#الكاطع

ادور ياشوارعنه...
غريبه الناس ادور ياحدايقنه ...
ذبلنه وصرنه وركَة ياس
وين الكَــــاك...؟
وين اشهكَـ واموت وياك؟
يالصارن عيوني بسجتك حراس
امشيلك شواطي الليل ...
وانت نجوم تبرالي
كل روجه بجرفهه تنام ...
وانته تضل كمر عالي

#الكاطع

كون يمک
يابخت جنحه
ال تذبه الريح يمک
كون اشوفک
كون وي فجر السوالف
تغبش عيوني عليك
.
#الكاطع

هيّه حيره ..
مثل شبچة صيد
والتفّت عله جنحان طيره !

حيرة الغرگان و الروجه جبل تمشي اعله راسه
و إيده تعمه ..
هلبت امسيسه تجيه وصلة جزيره !

#الكاطع

بعيد انت وبعيد اني
وكل واحد نصب تمثال للثاني بوسط كلبه ،،!

#الكاطع
.

دگ بابي طير الحزن
غبشه عليّ غَبش
فكيت حيل بحذر
وعلباب چفي ارتعش
غابه وكواسر اجت والدهر بي بَلش
واختار احلى البشر
وسنين عمره ثنعش
ردت امشي بزفته
جابوه اليه بنعش

#الكاطع
.