💔
چنت أظنك..
تـوگف بوجه الوكت..
وأتنشف الدمعة أبجفنهه..
و چـنت أظنك بالمحبة..
الفاگدة و حنت لأبنهه..


لــ #عريان_سيد_خلف🌿

❤
هاي عيون
لو دجله و عليها مچلچل الزيتون

#عريان_سيد_خلف🌿

ارد اغني
وعادة الروح
اليسلها الشوگ تتسله
بغناهه
.
#عريان_سيد_خلف

بعد مايحتاج تتعذّر
من نشفت الشّفة ولونها أتغيّر
من ثلج ال بيديك يصل صلّ صليل أوداع
وال حجي السلس بلسانك أتعثّر
من ظلمة عيونك والشمس رمحين
من رجفة أجفونك والبرد بالكيض علامة كلب
صاح الصّاح بتنكّر
يامثني الخواصر والحمول أثكال
وحمولك عفا عل الخصر تتبطّر
ياحايل ثمر من ال جدم للراس
كل حايل ثمر معذور من يغتر
يا كنز الوصف سبحان من سوّاك
وخلّى الضبي عل النمر يتنمّر
تسكيني أبكرم واتلومني من اسكر
من تدلع غنج عندك عذر مقبول رمّانك لحك والزيج ماينزر
واضح بعد مايحتاج تتعذّر
.
#عريان_سيد_خلف