حسبالي من اغيبن عنك اچم يوم
تترسني
الشكو
او چاليش ؟؟!
ومناشد

#اياد_عبدالله_الاسدي

أوية ربعي ألساني هاطولة
بس إنت ..
تسكتني وتيبس ألريج بية ..

#اياد_عبدالله_الاسدي
.

رسائل مختصره

من انت؟
ابشرك تيهت روحي ،، ونامين
اتعرفني ؟ الجنت اشم هدمك ،، ونامن

كم عمرك ؟
انا الحدب وهم رضعان ،، حله
انا بزرت هلي اشسويت بيه

ماذا تحب؟
احب الدرب لو مسحوگ ،، بجدام
الك يل تكره اليحچون بيه

ماذا تكره ؟
اكرهه النيم اوليفه ،،، بديته
يذكرني ابجمع راسك وديه

هل تغار؟
أغار اعليك والله ،،، حته منهه
الأ اكله الحابهه وتفور بيه

اقسم
وحگ الله الجمعنه ابغير ،،، ميعاد

هل بكيت؟
انهضمت اودنگت ونحبت ،، وبچيت
الخلگني ايعثرك اشسويت بيه

هل مررت بل خوف؟
اي
كتبت اسمي وخفت لاجوع ،، واچل
احروف اسمي وهلي ايتيهون بيه

ماذا تمنيت؟
يلاهي من اموتن ،، كون اشوفن
هلي چم يوم ويگطعون بيه

أين ذهبت ليلآ؟
طالع بس من اصورك ،،، لبيتي
وهلي باليهم ايعصرون بيه

اخر رساله

حدي وحدك اليله ،، وذا ما
عفتك لانفع لاخير بيه
.
#اياد_عبدالله_الاسدي
.

التهي ابلمست اشفافك ،، لوبعضها ؟
او شعوف الناس كلهه ،،، لوبعضها ؟
.
#اياد_عبدالله_الاسدي

اعله بابك يكفل ألعباس ما افوت
لو موسى بعصاته يگود #بيه

#اياد_عبدالله_الاسدي

ماقصرت وياك وعيوني الثنين
ارچبني وحلف غاد عد باب الحسين

الوادم شافتك كلهه ،، متانه
اشوفك؟ موخلص ليلي ،، متانه
انه الجان فارشلك ،، متانه
وساده وعبث نومك چان بيه
.
#اياد_عبدالله_الاسدي

ضرف بچفوف اليطرشون ،، ودبي
خبر بلكي ابتشر لوشوف ،، ودبي
يكون اتموت اصيرن دود ،، ودبي
عليك اولاعدل وتمن عليه

#اياد_عبدالله_الاسدي

الدهر يحبابي هم مثلي ،، وصلكم
وصل ؟ وتلمني بس ريحت ،، وصلكم
درتو اوجوهكم ودري ،،، وصلكم
حچي وخلاكم ادگطعون بيه
.
#اياد_عبدالله_الاسدي

ابلعني آفات هجرك ،، ونت الافات
اطعمتهه اوفت دليلي ،، ونتلافت
امنهد يوم الجزينه ،،، ونتلافت
لهسه اكره احجايت هاي هيه
.
#اياد_عبدالله_الاسدي

يحادي الضعن نزل الولف ،، مومال
الخصر عن الجمل والدرب ،، مومال
خايب
المغرب مال شوف او شبگ ،، مو مال
جفه مايصلح اتگطعون بيه
.
#اياد_عبدالله_الاسدي

رغبة عندك ياوسف حسبالي شوك
ومـن دريـت اتنـفـسـك غـثيـتـنـي

#اياد_عبدالله_الاسدي

هلا يل بسمك اينومون بيه

#اياد_عبدالله_الاسدي

شوگك شو بلاني ،، وانه بالي
هلي اومدري اشحچولي ،، وانه بالي
بالك مدري بيمن ،،، وانه بالي
الك يل مدري شنهي عليك بيه
.
#اياد_عبدالله_الاسدي

❤

گارصني گلبي عليك من گعدتك هاي
واليمك يخوفون گوم اگعد إحذاي


#اياد_عبدالله_الاسدي🌿

❤
حرت لو جيت اغمض مدري اشوفك

واحط ايدي عله گلبي مدري اخلها
عله عيني
وانت ابنها مدري خلها


#اياد_عبدالله_الاسدي🌿

❤
هلا بـ النِده جفنه و النده ناي
نزل ،، من ون دليلي ون نده ناي
هلا بـ النمت يمه و الندهني

و گال استاحشت سولف عليه


#اياد_عبدالله_الاسدي🌿

❤

اجيتك و الچفوف ادروب قاسن
يـ مو ليلى و صرت وياك قيساً
كـ حصرة مفرده ما بين قوسين

حصرتك و الاقواس اچفوف اديه


#اياد_عبدالله_الاسدي🌿

امن ابچي اعليك
اخلي الراس. مابين
اركبي وللشماتة دمع ما بين
انت ابني بشليلي اربيت ما بين (مو ابن)
هلك
چا شنهي گطعك هاذ بية

#اياد_عبدالله_الاسدي 🌿